Guherîna rewşa avhewa ya cîhanê, di sala 2021’an de careke din xwe nîşanî herkesê da.
Di demeke ku li bakurê parzemîna Amerîka ji german mirov dimrin û agir bi daristanan dikeve, li parzemîna Ewropa û Asya baranên herî zêde yên 50 salên dawî tê dîtin.
Çînê jî mîna Almanya û Belçîka para xwe ji vê guherîna rewşa av hewa girt.
Li eyaleta Hînan a Çînê jimara kesên jiyana xwe ji dest dane gihişt 33’an.
Her wiha, bi sedhezaran jî neçar man ku malên xwe biterikînin.
Ev der eyaleta Hînan a Çînê ye.
Hînan jî para xwe ji guherîna rewşa avhewa ya li cîhanê girt.
Buroya Meteorolojiya herêma Hînan, ji bo 4 herêmên dikevin bakurê Hînanê alarma herî bilind da.
Gava ku jimara kesên ji ber lehiyê jiyana xwe ji dest dan derket 33’an, hat diyarkirin ku 8 kes winda ne.
73 hezar welatiyên li eyaletê neçar man ku malên xwe biterikînin.
Hat diyarkirin ku ji milyonek û 200 hezarî zêdetir kes ji karesata lehiyê bandor bûne.
Di daxuyaniya nivîskî ya ji aliyê rêveberiya paytexta Hînan Cingcou ve hatî dayîn de, hat diyarkirin ku kontrolkirina lehiyê pir dijwar bû, û asta karesatê wekî “bi awakî zêde” hate vegotin.
Li Hinan, ku ji ber baranê li gelek herêman qutbûna elektrîk û avê û astengiyên veguhastinê hatin jiyîn, 46 çem tejî bûn û biser de çûne.
Li Hînanê di nava 60 salên dawiyê de barana herî zêde bariya
Di daxuyaniya ku ji hêla Buroya Meteorolojiyê ya Cingcou ve hat dayîn de, hat ragihandin ku li bajêr di nav 3 rojan de 617 milîmetre baran bariya.
Ev barîna herî zêde ya 60 salên dawî ye.
Li aliyê din, li bajarê Kolnê, li eyaleta Nordrhein-Westfalen a Almanyayê, ku karesata lehiyê lê rûdabû, di rojekê de 154 milîmetre baran barî.
Lê li Cingcou di nava saetekê de 209 milîmetre baran barî.
Li gorî nûçeya Xinhua, lêçûna lehî û tofanan, ku zirar da zêdetirî 9 hezar hektar erdên çandiniyê, ji aboriya welêt re 11,3 milyon dolar bû.
