Sala xwendinê ya 2021-2022 li Bakur û Rojhilatê Sûriyê dest pê kir
4 hezar û 445 dibistanên Bakur û Rojhilatê Sûriyê, îro deriyên xwe li pêşiya xwendkaran vekirin.
Îro 834 hezar 355 xwendekar li ser asta tevahiya Bakur û Rojhilatê Sûriyê berê xwe dan dibistanan.
Desteya Perwerdeyê, îsal li gelek herêmên herêma Cizîrê 19 dibistanên amadehî ji bo şaxên pîşeyî (bazirganî, pîşesazî, çandinî û tenduristî) vekirin.
Hêjayî bibîrxistinê ye ku şagirtên li herêmên Bakur û Rojhilatê Sûriyê bi sê zimanên sereke yên ku şêniyên herêmê pê diaxivin “kurdî, erebî û suryanî” perwerde dibin.