Cîhan xwe ji bo şereke wêrankirî re amade dike. Êrişa Rûya ya li dijî Ûkryana, li seranserî cîhanê asta lêçûnên leşkerî zêdetir kiriye. Seferberiya ji bo vê yekê ji aliyê welatên cîhanê ve hatiye despêkirin, fikaran zêde dikin. Di nava 10 salan de, qebareya moşek û bombeyên nukleerî wê ji 126 milyar dolarî derbas bibe. Ev jî tê wateya ku bazara mûşek û bombeyên nukleerî wê heta sala 2030 ji sedî 73 mezin bibe
Li gorî raporeke ku duh ji aliyê kompaniya Lêkolînên Bazara Hevbendiyê ya Amerîkayê ve hat weşandin, tê pêşbînîkirin ku bazara cîhanî ya mûşek û bombeyên nukleerî ji 126 milyar dolarî derbas bibe.
Ev rêje dema ku bi 2020’an re were berhevkirin, tê wateya ku wê di nava 10 salan de ji sedî 73 zêde bibe.
Lêçûnên leşkerî piştî êrîşa Rûsyayê ya li ser Ûkraynayê zêde dibin.
Şirketên lêkolînê ya bingehîn a Portland pêşbînî dike ku lêçûn, wê li gorî sala 2020’an, bi qasî 73 milyar dolar zêde bibe.
Bi vê yekê re, wê di deh salên pêş de ji sedî 72,6 zêde bibe.
Di raporê de hat destnîşankirin ku li gel zêdebûna lêçûnên tenduristiyê yên ji ber vîrûsa Covid-19’ê ku bandor li tevahiya cîhanê kiriye jî, zêdebûna pevçûnên jeopolîtîk û budçeyên mezin ên leşkerî, dibe ku heta sala 2030’an ev reqem ji sedî 5,4 zêde bibe.
Serokê DYA Joe Biden hefteya borî bang kir ku budceya parastina neteweyî di asta rekorê de be.
Li gel daxwaza serikên nukleerî yên biçûk ên ku dikarin bi hêsanî bi karanîna balafir û mûşekên bejayî werin bi cih kirin, di raporê de tê destnîşankirin ku daxwazek ji bo nûjenkirina “sêgoşeya nukleerî” heye.
Di nav wan de keştiyên noqîvan mûşekên balîstîk, bombevan û mûşekên bejahî hene.
Her çend SLBM (cûreyek nû ya fuzeya balîstîkî ya ku ji binê deryayê tê avêtin) wê di sala 2020’an de çaryeka sûkê hesab bike, balafir û moşekên bejahî jî wê di van sektoran de mezinbûna zûtir teşwîq bikin.
Tevî Amerîkaya Bakur 2020’an zêdetirî nîvê bazara gerdûnî kontrol dikir, rapor pêşbînî dike ku mezinbûna herî bilez wê ji herêma Asya-Pasîfîkê were.
Ev yek jî wê li ser bingeha hewildanên Hindistan, Pakistan û Çînê ya ji bo pêşxistina cebilxaneyên xwe yên nukleerî pêk bê.
Awistralya li dijî gefên Çîn û Rûsya hêza parastinê xurt dike
Awistralya planên xwe yên bidestxistina mûşekên dûravêj li hember gefên zêde yên Rûsya û Çînê li herêma xwe zêde kir.
Wezîrê Parastinê Peter Dutton got, Em ê ji bo biçekirina balafirên şer û nûjenkirina keştiyên şer 3,5 milyar dolarê Awistralya xerc bikin. Em ê parastina Awistralya li hember dijminên potansiyel zêde bikin.
