Li Srî Lanka, krîza herî dijwar ya aboriyê heye.
Hikumeta welat beriya niha têkçûna aboriyê ragihandibû.
Niha jî Banka Navendî ya Srî Lankayê (CBSL) ragihand ku ji bo kêmekê jî bazaran ser lingan bihêlin rêjeya faîzê ji sedî yek zêde kiriye.
Hemwextî vê ji hikumeta Rûsyayê alîkarî hate xwestin.
Li welat enflasyon di meha Hezîranê de bi rêjeya ji sedî 54,6 rekorek şikand.
Enflasyona xwarinê derket ji sedî 80,1.
Ji aliyê din ve, Serokê Srî Lankayê Gotabaya Rajapaksa bi Serokê Rûsyayê Vladimir Putin re axivî û daxwaza piştgiriya krediyê kir.
Rajapaksa li ser Twitterê bi rêya peyamekê diyar kir ku li gel Putin peywendiyek ya telefonê pêk aniye.
Rajapaksa diyar kir ku civîn berhemdar bû û ji bo ku bikaribe sotemeniyê îthal bike ji Putin desteka krediyê xwestiye.
Serokwezîrê Srî Lanka: Ji ber îflasa welat danûstanidinên gel IMF zehmet e
Serokwezîrê Srî Lankayê Ranil Wickremesinghe got, ji ber rewşa îflasê ya welêt danûstandinên Fona Pereyan a Navneteweyî (IMF) ji berê dijwartir û tevlihevtir bûn.
Wickremesinghe ji parlementeran re anî ziman ku danûstandinên vê dawiyê yên bi şande ya IMF re ne mîna berê, lê dîsan jî erênî bûn.
Wickremesinghe diyar kir ku berê wekî welatekî bi pêş dikeve muzakere dihatin kirin û wiha got,
“Welatê me beriya niha gelek caran bi IMF’ê re hevdîtin pêk anîbû.
Lê vê carê rewş ji yên berê cudatir e.
Em niha weke welatekî îflaskirî beşdarî muzakereyan dibin.
Ji ber vê yekê divê em bi rewşeke dijwartir û aloztir re rû bi rû bimînin.”
9’ê Gulanê di navbera xwepêşanderên ku li derdora Ofîsa Serokwezîrtiyê kom bûn û alîgirên hikûmetê de pevçûn derketibû.
Li paytext Colomboyê yekîneyên leşkerî hatibûn bicihkirin.
Piştî zêdebûna zextên mûxalefetê, Serokwezîr Mahînda Rajapaksa di 9’ê Gulanê de îstifa kir û kabîne hat betalkirin.
Serok Gotabaya Rajapaksa di 12’ê Gulanê de Ranil Wickremesinghe, ku berê sê dewran serokwezîr bû, wek serokwezîr tayîn kir.
Piştî tundûtûjiyê, li seranserê welêt qedexeya derketina derve hat ragihandin.
Hukûmetê ferman da ku her kesê ku di dema xwepêşandanan de zirarê bide milkên giştî an kesên din wê bibe aramnaca leşkeran.
Bi gotinek din, hikumetê fermana bikaranîna çekê da leşkeran.
Di xwepêşandanên ku li gelemperiya welêt belav bûn de, parlamenterê partiya desthilatdar û 2 polîs jî di nav de 8 kesan jiyana xwe ji dest dan û 250 kes jî birîndar bûn.
Welatiyên Srî Lankayê niha bi kêmbûna sotemeniyê, qutbûna elektrîkê û zêdebûna bihayên xwarin û veguhestinê re têdikoşin.
