Li Amerîka piştî 2 mehên din wê hilbijartinên navberê pêk were.
Hilbijartinên ku endamên meclisa nuneran û senatoyê diyar dike ji bo partiyên siyasî xwedî girîngiyek mezine.
Ji xwe ji ber vê yekê ye ku êdî Serokê Amerîka Biden jî gotinên xwe tundtir kir.
Biden îşaret bi Trump kir û got;
Ew û alîgirên wî ji bo demokrasiya Amerîka gefin.
Serokê Dewletên Yekbûyî yên Amerîkayê Joe Biden beriya hilbijartinên navberê ku di meha Mijdarê de bên kirin li bajarê xwe Philadelphia axaftinek balkêş kir.
Joe Biden bi tundî rexne li selefê xwe Donald Trump û hevalbendên wî yên siyasî kir û ew bi “tundrew” tawanbar kirin.
Biden ev axaftin di saeta ku herî zêde ji televizyonê tê temaşekirin de li ser weşanên zindî kir.
Serokê Partiya Demokrat Biden got;
Trump û alîgirên wî nûnerên tundraw yên gefê li demokrasiya welat dixwin e.
Joe Biden li cihê dîrokî ya ku îlana serxwebûnê û destûra bingehîn a welat lê hat qebûlkirin de diyar kir ku wan êrîşî wekhevî û demokrasiya welêt kirin.
Bi vê yekê îşaret bi Trump û Komarparêzên ku pê re tevdigeriyan kir.
Biden got,
“Baweriya wan bi serweriya hiqûqê nîne.
Vîna gel qebûl nakin.
Naxwazin encamên hilbijartinên serbixwe nas bikin.”
Serokê Amerîkayê li bajarê xwe Philadelphia beşdarî gelek sefer û çalakiyên hilbijartinê dibe.
Philadelphia, ku li rojhilatê welêt e, yek ji wan eyaletan e ku pêşbirka di navbera Demokrat û Komarparêzan de herî dijwar bû.
Ger Biden nikaribe dengdêrên demokrat razî bike ku biçin ser sindoqan, partiya wî wê piraniya her du meclîsên Kongreyê li hember Komarparêzan winda bike.
Tê dîtin ku Partiya Demokratîk a ku demeke dirêj desteka hilbijêran winda kir, di van demên dawî de dîsa sempatî bi dest xist.
Demokrat, bi taybetî di nav Komarparêzan de, hewl didin ku serokê berê Trump û baskê piştgirê wî ji piştgiriya dengderan bêpar bikin û hewl didin ku li paş bendewariyan bikevin.
