Di seatên serê sibehê de polîsan bi ser navendên giştî ya DBP’ê û avahiyên wê yên li bajaran de girtin, di encama serdegirtinê de Hevserokê Giştî yê DBP’ê Keskîn Bayindir û gelek rêveber hatin binçavkirin.
Operasyonên qirkirina siyasî ya ji aliyê dewleta Tirk ve dewam dike.
Û di endamê de gelek siyasetmedarên kurd hatine binçavkirin û girtin.
Vê sibehê jî polîsan bi ser avahiyên Partiya Herêmên Demokratîk (DBP) ku li Amedê ye û malên rêveberên wê de girtin.
Polîsan avêt ser mala Hevserokê Giştî yê DBP’ê Keskîn Bayindir jî.
Polîsan li malê lêgerîn pêk anî û piştre Keskîn binçav kir.
Polîsan li Enqera, Mêrdîn, Şirnex, Wan, Êlih, Riha û Dîlokê jî avêtin ser avahiyên DBP’ê û di serdegirtinan de deriyên avahiyan hatin şikandin.
Û hevserokên van bajaran ên DBP’ê binçavkirin.
Hat diyarkirin ku lêpirsîn ji aliyê Serdozgeriya Komarê ya Amedê ve hatiye destpêkirin û tê gotin dibe ku hejmara kesên hatin destgîrkirin zêde bibe.
Hat zanîn ku siyasetmedarên hatine binçavkirin wê bînin Amedê.
