Polîsên Îsraîlê careke din piştî nimêja teraviyê êrişî Mizgefta Eqsayê kirin.
Li mizgeftê di navbera polês û komê de pevçûn derket.
Polîsên Îsraîlê doh êvarê piştî nimêja terawîhê êrişî Mizgefta Eqsayê kirin.
Polîsan bi daxuyaniyekê îdia kir ku komeke “fîşekên hewayî, dar û kevir” anîne mizgeftê, di hundirê mizgeftê de barîkat danîne û wiha hat gotin:
“Îtîraza gel û pîroziya mizgeftê xera kirine.”
Di daxuyanîya ku hat dayîn de hat diyarkirin ku ji bo “provakatorên bi maske” ji mizgeftê bên derxistin û nimêja sibê bikin mecbûr man midaxeleyî mizgeftê bikin.
Polîsên Îsraîlî jî dîmenên fîşekên hewayî û kevirên avêtin hundirê mizgeftê parve kirin.
Di êrişê de bêtirî 350 kes hatin binçavkirin.
Beriya bûyerên li Mizgefta Eqsayê hin cihûyan ji ber Cejna Derbasbûnê ya ku wê roja Çarşemê bê pîrozkirin banga serjêkirina li mizgeftê kiribûn.
Mizgefta Eqsa li ser Çiyayê Perestgehê ye ku ji bo Cihûyan di cîhanê de cîhê herî pîroz e.
Rêxistina Fîlîstînî Hamas destwerdana polîsên Îsraîlê weke “sûceke heta niha nehatî dîtin” bi nav kir.
Rêxistina ku Şerîda Xazzeyê kontrol dike bang li Filistîniyên li Şerîeya Rojava kir ku ji bo parastina Mizgefta Eqsayê bi girseyî biçin mizgeftê.
Misir êrişa polîsên Îsraîl ya li ser Mizgefta Eqsa şermezar kir
Misirê êrişa polîsê Îsraîl ya li ser mizgeftê şermezar kir.
Di daxuyanîya ku ji aliyê Wezareta Karê Derve ya Misirê ve hat dayîn de Îsraîl ji zêdebûna aloziya li herêmê berpirsyar hat dîtin û hat diyarkirin ku ev yek zirarê dide xebatên aştiyê yên li herêmê.
Piştî van bûyeran, şevê din di saetên derengî de, ji aliyê Şerîda Xezzayê roket bo Îsraîlê hatin avêtin.
Artêşa Îsraîlê ragihand ku 5 roket ji aliyê pergalên parastina hewayî ve hatine îmhakirin, 4 roketên din jî li herêmên bê mirov ketine.
Şahidên bûyerê diyar dikin ku tankên Îsraîlê jî li hemberî avêtina roketan çeperên Hemasê kirine armanc.
Li Şerîda Xezzayê nîvê şevê li gelek cihan xwepêşandan hatin lidarxistin.
Xwepêşanderên Filistînî gotin, ew ê di dema çalakiyên şewitandina lastîkan de Mizgefta Eqsayê “biparêzin û biparêzin”.
