Li Ukrayna, bendava Kaxovka ya hilweşiyayî bandoreke neyînî li ser jiyana li herêmên derdor kiriye.
Bilindiya avê li hinek cihan gihişt 3,5 metreyî.
Bi hezaran xanî jî di binê avê de mane.
Di şerê li Ukraynayê de, metirsiya li ser jiyana welatiyan hîn zêde bûye.
Armanckirina cihên pêwistiyên jiyanî, û metirsiya li ser asta sivîlan zêde bûye.
Herî dawî doh bi hilweşîna bendava Nova Kaxovka ya li herêma Xersonê re ev careke din derket pêş.
Bendava ku di bin kontrola Rûsyayê de, hilweşiya.
Vê yekê rasta rast bandor li ser welatiyên li herêmê dimînin kir.
Ji ber bilindbûna ava çemê Dnipro ku bendav li ser hatiye çêkirin hin cih û deşt di bin avê de man.
Waliyê Kîevê Oleksîy Kuleba diyar kir ku herêma herî zêde ji lehiyê zirar dîtiye herêma Korabelê ya bajarê Xersonê ye.
Kuleba dazanîn ku li wê herêmê asta avê gihîştiye 3,5 metreyan û zêdeyî 1000 xanî di bin avê da mane.
Rayedarên Ukraynayê diyar kirin ku piştî hilweşîna bendavê nêzî 17 hezar kes hatin veguhestin.
Li beşa di bin kontrola Rûsyayê de ye jî wê 25 hezar kes werin veguhestin.
Moskow û Kîev ji hilweşîna bendavê hev tewambar dikin
Ukrayna û Rûsya hevdu bi armanckirina bendavê tometbar dikin.
Di heman demê de Dewletên Yekbûyî yên Amerîkayê (DYA) û Brîtaniya jî gotin ku heta niha ti delîl tune ne ku kîjan alî berpirsê hilweşîna bendavê ye.
Berdevkê Konseya Ewlehiya Neteweyî ya Qesra Spî John Kirby diyar kir ku heta niha DYA nikare nirxandina dawî ya rewşê bike û got,
“Em bi Ukraynayan re agahî berhev dikin û dişêwirin.”
Di daxuyaniya ku ji aliyê DYA’yê ve hat dayîn de hat destnîşankirin ku “bi fikar e ku gelek kuştî û birîndar hene.”
Serokwezîrê Brîtanî Rishi Sunak, hilweşîna bendavê wek êrîşa herî mezin ji despêka şerê li welat ve li ser avahiyên sivîlan binav kir û got:
Dezgehên îstixbarata Brîtanya lêkolînê li ser sedemên hilweşandina bendavê dikin.
Di vê qonaxê de em nikarin bêje ka niyetek li pişt bûyerê heye yan na.”
Di hilweşîna bendavê de tewamberiyên dijber
Ukrayna, Rûsyayê bi hilweşandina bendavê tawanbar dike.
Serokomarê Ukraynayê Volodymyr Zelensky îdia kir ku hêzên Rûsyayê Santrala Hîdroelektrîkê ya Nova Kaxovka ya di bin kontrola xwe de ji hundir ve teqandine.
Li aliyê din Rûsya êrîşa bendavê weke “sabotekirina Ukraynayê” bi nav dike.
Kremlîn jî tewambariyên li dijî xwe red dike.
Berdevkê Kremlînê Dmîtrî Peskov diyar kir ku Ukraynayê bendav sabote kiriye û got;
Bi vê sabotajê Kîevê armanc kir ku Kirimê bê av bihêle.
