Swêd bi tirsa ha wê Rûsya kengê êrişekî li dijî welat pêk bîne, ketiye.
Ev yek di rapora parlamentoya Swêdê jî derket pêş.
Di raporê de tê gotin, beşeke mezin ya artêşa Rûsya di şerê li Ukrayna de tê bikaranîn.
Li aliyê din, metirsiya Moskow wê bi rêbazeke cudatir êrişî Swêdê bike divê li ber çava were girtin.
Li rojavayê Rûsya, metirsiya Swêd ya ji Moskow ew xistiye nava tirsê.
Ev tirs wiha li Swêdê kiriye ku ji bo çareseriyê di tevgerê de ye.
Rapora Komîteya Parastinê ya Parlamentoya Swêdê eşkere kir ku êrîşa leşkerî ya Rûsyayê ya li dijî Swêdê nayê paşguhkirin.
Li gorî raporê ku ji hêla kanala televîzyonê ya dewletê SVT ve hatî weşandin.
Di raporê de, egeriya êrişeke leşkerî ya Moskow bi rêbazeke cuda li ser Swêdê cih digre.
Her çiqasî îşaret bi jimarek zêde ya leşkerên Rûsya di şerê li Ukrayna de hatiye kirin jî lê geriya êrişa bi rengek cûda ya li ser Swêdê jî heye.
Di raporê de hat destnîşankirin ku Rûsyayê asta bikaranîna hêza leşkerî daxistiye û Moskow di asta bilind de metirsiyeke siyasî û leşkerî derdixe holê.
Di raporê de hat dîtin ku Swêd li şûna hevkariya parastinê ya berê ya bi welatên din ên Skandînavyayê û YE’yê re, bi endamtiya NATO yê re, dixwaze xwe xelas bike.
Swêd dixwaze di bin sîwanê NATO’yê de xwe biparêze
Swêd a ku piştî şerê sar lêçûnên xwe yên parastinê kêm kir, mîna welatên din ên rojavayî, di van demên dawî de giranî da ser kirîna çekan.
Swêd hewl dide ku pîvanên ku ji hêla NATO ve hatî destnîşan kirin pêk bîne.
Li gorî pîvanên NATO welatê endam divê lêçûna parastinê ji sedî 2 yê hilberîna navxweyî be.
Li pêşiya endamtiya Swêd bo NATO, astengiya Tirkiye û Macerîstan
Serlêdana endamtiya Swêdê ya NATOyê ji aliyê Tirkiye û Macarîstanê ve ji ber sedemên cuda tê taloqkirin.
Rejîma Tirkiyê dixwaze, erêkirina endamtiya Swêdê bi zexta li ser gelê Kurd re kar bîne.
Ji bo vê yekê daxwazên xwe yên zextê ji bo hikumeta Swêdê yek bi yek rêz dike.
Li aliyekî din, dirêjkirina astengiya li pêşiya endamtiya Swêdê ya bo NATO ji aliyê welatên din yên endam ve dibe sedema aciziyê.
Amerîka, Fransa, Almanya û Brîtanya jî di nav de dixwazin di zûtirîn demê de ev yek pêk were.
Ji bo beşdarbûna Swêd a NATO yê jî çav li lûtkeya Lîderan a 11-12’ê Tîrmehê ya li Lîtvanya ye.
