Parêzerên Rêber Apo ji ber dewleta Tirk a dagirker ti rêyeke hiqûqa navxweyî nehiştiye û tecrîda îmraliyê giran kiriye, wê serî Neteweyên Yekbûyî bide.
Parêzerê Buroya Hiqûqê ya Asrinê Îbrahîm Bîlmez diyar kir li gor biryar NY ya 2022’an ku gotibû li îmraliyê divê tebîr derbarê tecrîdê de bêngirtin, lê Tirkiyê vê yekê pêk neanî û tecrîdê girantir kiriye û hiqûqa navxweyî jî têkbiriye.
Di sala 2022’an de Buroya Hiqûqê ya Asrinê belgeyên binpêkirinên Hiqûqî ku li Îmraliyê dagirkeriya Tirkiyê pêk tîne pêşkeşî NY kir û di vê mijarê NY xwest ku tedbîran bigrin.
NY ji tirkiyê xwest ku di vê mijarê de tedbîra bigrin, lê dewleta Tirk a dagirker îda kir ku li îmraliyê binpêkirina qanûn û hiqûqê nîne.
Parêzerên Rêber Apo niha xwe amade dikin ku li dijî bersiva Tirkiyeyê bersivekê bidin.
Parêzerê Buroya Hiqûqê ya Asrinê Îbrahîm Bîlmez ku bi ANF’ê re axivî, diyar kir ku ew ê di demeke kin de bersiva xwe bi rê bikin û wê NY ji bo esasê biryarekê bide.
Îbrahîm Bîlmez: Em serî li hemû mekanîzmayan didin
Parêzer Îbrahîm Bîlmez, sedema birina biryara ji bo lijneyên navneteweyî wiha dinirxîne:
”Em rû bi rûyê bêhiqûqiyeke bêhed in.
Ji ber ku em ji çar miwekîlên xwe du sal û nîv in tu agahiyan nagirin.
Me berê ev mijar her dibir ba saziyên Konseya Ewropayê.
Lê heta niha encama ku em dixwazin bi destên me neketiye.
Ji ber wê me got em serî li Neteweyên Yekbûyî bidin.
Ji ber ku tecrîta ku tê meşandin dûrê mafên mirovan e, me biryar da ku bibin ba Neteweyên Yekbûyî.”
Îbrahîm Bîlmez: Tirkiye tu rêyek hiqûqî ya navxweyî nehiştiye
Parêzer Îbrahîm Bîlmez bi bîr xist ku ji ber ku tu rêyeke hiqûqî ya navxweyî nehatiye hiştin û Tirkiye bi tu biryarê nake û wiha pê de çû:
”Ji bo em biryarê bibin ba Neteweyên Yekbûyî, divê pêşîn tu rêyeke hiqûqî ya navxweyî nemabe.
Li Tirkiyê hemû serlêdanên ku me kirin redkir.
Tu rêyeke hiqûqî ya navxweyî nema.
Lewma me di 29’ê Tîrmeha sala 2022’yan serî li Komîteya Mafên Mirovan a Neteweyên Yekbûyî da.
Li gor nivîsarên ku NY’yê ku ji xwe re kirine esas jî, me got ku ev cureyekî rejîma înfazê ye.
Hin biryarên ku jixwe komîteyê dane, ji vê re tiştekê wek ”revandin” tê gotin.
Hikûmetê herî dawî fikrên xwe şandin ji Neteweyên Yekbûyî re
Parêzer Îbrahîm Bîlmez herî dawî got: hikûmet di fikirên xwe de tu behsa daxwaza me ya tevdîrê û biryara bertekî ya ku NY’yê daye, nekiriye.
Lewra tu bersiva ku bide me nîn e. Piştî ku bersivên xwe şandin wê komîte têkildarî esasan biryarekê bide.”
