Di çalakiyên Hêzên Rizgariya Efrînê de li herêma Efrînê û Babê 4 dagirker û di çalakiyên hêzên QSD’ê de jî 7 dagirker hatin kuştin.
Dewleta Tirk a dagirker bê navber êrişî bakur û rojhilatê Sûriyê dike. Di van êrişan de pirranî welatiyên sivîl û cih û warên dibin hedef.
Hêzên parastinê yên bakur û rojhilatê Sûriyê jî di çarçoveya parastina rewa de bersiva êrişan didin.
Di vê çarçoveyê de Hêzên Sûriya Demokratîk 2 çalakî li dijî baregehên dewleta Tirk a dagirker pêk anîn.
Navenda Ragihandinê ya QSD’ê bi daxuyaniyekê agahiyên der barê her du çalakiyên li herêmên nêzî Til Temirê yên dagirkirî, parve kirin.
Di van çalakiyan de 2 baregehên dewleta Tirk a dagirker ên li gundên Kinêhir û Erbîn hatin hedefgirtin.
Di encamê de 4 leşkerên dewleta Tirk a dagirker û 3 çeteyên wê hatin kuştin û gelek leşker û çete jî birîndar bûn.
Bi vê yekê hejmara kuştiyên dewleta Tirk a dagirker ên di rêzeçalakiyên bersivdana rewa yên ku hêzên me di rojên dawîn de pêk anîne bû 22 . Bi dehan leşker û çete jî birîndar bûn.
QSD’ê diyar kir ew ê çalakiyên xwe yên bersivdanê yên li dijî êrişên dewleta Tirk a dagirker û çeteyên wê bidomînin.
RONAHI TV || LEZGIN
⛔️QSD: Di çarçoveya bersivdayinê de me baregehên dagirkeriyê yên Til Temir hedef girtin
⛔️QSD: Di encama çalakiyan de 7 leşker û çeteyên dagirkeriyê hatin kuştin
⛔️QSD: Di bersivdayina êrîşên dawî de heya niha 22 leşker û çete hatine kuştin pic.twitter.com/m7jowboEIq— Ronahi tv (@tvronahi) October 11, 2023