Endamên Navenda Çand û Hunerê ya Kantona Efrîn û Şehbayê komploya 9’ê Cotmehê ya li ser Rêber Abdullah Ocalan şermezar kir û diyar kir “Gelê Kurd çav û rêya xwe bi fikir û felsefeya Rêber Apo ronî dike.”
Hunermend Mecîd Kemal komploya li dijî Rêber Abdullah Ocalan şermezar kir û bang li CPT û rêxistinên mafên mirovan kir ku ji bêdengiya xwe derkevin .
Mecîd got: ” Bi azadkirina Rêber Apo em ê bizanin ku hîna însaniyet heye.Em hunermendên Efrînê ji bo azadiya Rêber Apo her tim amade ne û çi ji me bê xwestin em ê bikin.”
Hemodê Dewod jî da zanîn ku ku armanc ji komployê ew bû ku tunekirina gelê Kurd ji wan re hêsan be lê ewê negihên armancên xwe ku gel û Rêber Apo ji hev qut nikin.
Her wiha Rûmet Beko jî derbarê heman mijarê de destnîşan kir ku komploya li dijî Rêber Abdullah Ocalan li dijî tevahî gelan e û wiha domand :
” Gelê Kurd çav û rêya xwe bi fikir û felsefeya Rêber Apo ronî dike.
Erê niha Rêber Apo ne gel me ye lê pirtûk û felsefeya Rêber Apo li gel me ne.
Em ê ji bo azadiya Rêber Apo her tim li qadan bin û têkoşînê mezintir bikin.”
