Desteya Çandê ya Bakur û Rojhilatê Sûriyeyê û Komîteya Çand û Hunerê ya herêma Tebqayê, bi hevkariya Komîteya Çand û Şûnwaran a Reqayê pêşangehek û şevbuhêrkek bi dirûşma “Em ê pirên aştiyê bimînin” li dar xist.
Bi dehan şêniyên bajêr, nûnerên Rêveberiya Sivîl a Demokratîk a Tebqayê, nûnerên Partiya Sûriya Pêşerojê, tevgerên jinan û ciwanan û mêvan ji Reqayê tev li çalakiyê bûn.
Di çalakiyê de, endamê Navenda Çand û Hunerê ya Tebqayê Amir El Inad bi xêrhatina beşdaran kir.
Destpêkê bi beşdariya 10 wênesazan ji Reqayê pêşangeh dest pê kir. Di pêşangehê de 60 tablo, 4 peyker hatin pêşandan. Mijarên berheman, jin, xweza û hin mijarên din bûn.
Dûre hevserokê Komîteya Çand û Hunerê ya Tebqayê Elî El Eleya axivî û got: “Ruxmî êrişên li dijî heremê em ê xebatên xwe yê parastina çandê bidomînin.
El Eleya diyar kir ku armanca wan ji lidarxistina mîna van çalakiyan, belavkirina çand û hunerê di nava gelan de û vejandina wê ye.
Her wiha serokê Komîteya Çand û Şûnwaran a Reqayê Hesen El Mistefa jî diyarkir ku ew bi çalakiyên bi vî rengî hevgirtina gelan hîn xurtir dikin û planên dagirkeriya tirkiyê vala derdixînin.
Di dawiya çalakiyê de, koma Mîrasa Reqayê stranên bi zimanên erebî û kurdî gotin.
