Sebîha Mihemed ji bo ku debara malbata xwe peyda bike, fêrî sererastkirina papûr û sobeyan bûye û bi keda destê xwe 6 zarokên xwe yê sêwî xwedî dike.
Sebîha Mihemed (40) jineke têkoşer e û li rex xwedîkirina 6 zarokan di sererastkirina papûr û sobeyan de jî kar dike.
Ji gundekî Ezazê ya dagirkirî ye. Tevî hevjîn û zarokên xwe bar kiriye Reqayê, lê belê beriya 2 salan hevjînê wê ji ber nexweşiyê wefat kir.
Sebîha li taxa El Mişleb dimîne. Ji bo peydakirina debarê û pêdiviyên zarokên xwe, rojane 3 kîlometreyan dimeşe heta bigihêje dikana xwe ya li taxa Rimêle.
Li rex sererastkirina papûr û sobeyan, Sebîha karê spîkeriyê jî dike.
Der barê karê xwe de Sebîhayê got: “Hevjînê min ji ber kanserê wefat kir. Lê beriya wefat bike, ev pîşe fêrî min kir, ji bo ku debara xwe û pêdiviyên zarokên xwe peyda bikim.”
Sebîhayê wiha li gotinên xwe zêde kir: “Ez bi xwe serbilind im, ji ber ku dikarim kar bikim, pêdiviyên zarokên xwe peyda bikim. Ruxmî ku karekî zehmet e, lê belê ji parsê bi sed carî baştir e.”