Li Myanmarê rêveberiya rejimê bi hinceta ku 6 genaralên radestî berxwedêrên li dijî derbeyê yên li eyaleta Şan a li bakurê welêt bûne, cezayê darvekirin û hepsa heta hetayê da.
Li gorî nûçeya ajansa nûçeyan a Chindwin a Myanmarê ku li ser bingeha “çavkaniyek leşkerî ya pêbawer” tê dîtin, doza ku generalên tê de dihatin darizandin di 20’ê Çile de ji aliyê dadgeha leşkerî ya Nepido ve hat dîtin.
Di nûçeyê de hat diyarkirin ku ji 6 generalan 3 jê cezayê darvekirinê û 3 jê jî cezayê muebbetê hatiye dayîn.
6 general ji teslîmkirina Laukkai ya paytexta Herêma Xweser a Kokang a li bakurê parêzgeha Şanê di 5’ê Çile de ji hêzên serhildêr re berpirsyar hatin dîtin.
Yek ji armancên herî girîng ên “Operasyona 1027’an” girtina Laukkai bû.
Ev operasyon ji aliyê Artêşa Yekîtiya Neteweyî ya Demokratîk a Myanmarê (MNDAA), Artêşa Arakanê û Artêşa Rizgariya Neteweyî ya Taangê ku li Myanmarê komên li dijî cûntayê ne pêk hat.
Artêşa Myanmarê ji rojên ewil ên operasyonê heta niha kontrola zêdetirî 30 bajarokan, bi sedan baregehên leşkerî di nav de navendên fermandariyê û hin deriyên sînorî yên Çînê ji dest dane.
