Qesra Spî vekîşîna hêzên Ukranî ya li Avdivka ya li herema Donetskê girêdayî helwestên Kongreya Amerîka ku erêkirina alîkariya bo Ukraynayê dereng man, kir.
Wezareta Parastinê ya Amerîkayê (Pentagon) daxwaz kir ku pêşnûmeya bûdceya lêzêdekirî ya awarte, ku tê de alîkariya çekan bo Ukraynayê jî heye, di zûtirîn dem de ji aliyê Meclisa Nûneran ve were qebûlkirin.
Her wiha ziyana giştî ya ji ber wêrankirina bermahiyên çandî yên ji ber êrîşên Rûsyayê, 19 milyar dolar derbas kir.
Qesra Spî derbarê windakirina Avdîvka ya li herêma Donetskê ya Ukraynayê de anî ziman ku Kongreya Amerîka erêkirina alîkariyê ya bo Ukraynayê dereng ma.
Qesra Spî sedema windakirina Avdîkayê bê çalakmayîn û helwesta Kongreya Amerîkayê re girê da.
Koordînatorê Konseya Ewlekariya Netewî ya Amerîkayê John Kirby têkîldarî rewşa şerê Ukrayna û Rûsyayê de axivî û got:
“Ukraynayê ji bo rê li hêzên Rûsî bigire û negihêjin xetên parastinê heta cebilxaneyên xwe yê dawî karîbû êrîşên Rûsî bo çend mehan rawestîne.
Kirby bilêv kir ku sedema vekîşîna hêzên Ukranî ne girêdayî kêmaniya wêrektiyê û qebiliyetên şer e û wiha got:
“Vekişîna Avdivka ji ber bêçalakiya Kongreyê çêbû.
Me hişyarî da Kongreyê ku heger nekevin tevgerê dê Ukrayna di qadên şer de windahiyan bide.”
Kirby biryara fermandariya Ukraynayê ya vekişîna leşkeran ji Avdivka jî “bi aqilmendî” bi nav kir, ku çavkaniyên mirovî parastin.
Di vê çarçoveyê de nûnerê Qesra Spî bang li parlamenterên ji Meclisên Nûneran kir ku di zûtirîn dem de çek û cebilxane radestî artêşa Ukraynayê bê kirin.
Pentagon Ji bo pêşnûmeya alîkariya Ukraynayê bang li Kongreyê kir
Wezareta Parastinê ya Amerîkayê (Pentagon) daxwaz kir ku pêşnûmeya bûdceya lêzêdekirî ya awarte, ku tê de alîkariya çekan bo Ukraynayê jî heye, di zûtirîn dem de ji aliyê Meclisa Nûneran ve were qebûlkirin.
Cîgira Berdevkê Pentagonê Sabrina Singh di civîna çapemeniyê ya rojane de mijarên heyî nirxand.
Singh diyar kir ku ji bo Ukrayna xwe biparêze divê pêşnûmeya butçeya zêde ya lezgîn ji aliyê Kongreya Amerîkayê ve bê qebûlkirin û got:
“Ev dem demên ku hevalbend û dijminên me li me temaşe dikin e.
Ji ber vê yekê divê Meclisa Nûneran ji bo peşnûmeya butçeya zêde bixebite.”
Singh da zanîn ku hêzên Ukraynayê bi awayekî stratejîk ji hin bajaran vekişiyane da ku cebilxaneyên xwe kêm bikar bînin.
Elena Shulyak: Rûsan li Ukraynayê 902 bermahiyên çandî tune kir
Ziyana giştî ya ji ber wêrankirina bermahiyên çandî yên ji ber êrîşên Rûsyayê, 19 milyar dolar derbas kir.
Li gor seroka komîteya plansaziya bajarvaniyê Elena Şulyak diyar kir ku ji ber êrîşên Rûsyayê didome dê ev ziyanên giştî 19 milyar dolarê jî derbas bike.
Li gorî Wezareta Çandê, di navbera 24’ê Sibata 2022’yan heta 25’ê Çileya 2024’an de, Federasyona Rûsyayê 902 şûnwarên mîrata çandî hilweşandine an jî zirar dîtiye.
Ji van 124 abîdeyên girîngiya neteweyî, 708 girîngiya herêmî û 70 bîrdariyên ku nû hatine dîtin hene.
Bi taybetî 185 bermahiyên avahîsaziyê, 269 mîmarî û plansaziya bajarvaniyê, 213 berhemên dîrokî, 33 berhemên mîmarî û dîrokî hene.
