HPG’ê bi daxuyaniyekê işaret bi liv û tevgera hêzên Iraqê ya li herêmên Zap û Avaşînê kir û got: “Divê haya hêzên Iraqî ji şer hebe û xwest li gorî vê yekê tevbigere.”
Komîteya Têkîliyên Derve ya KCK’ê jî li ser lîstokên PDK’ê û dewleta Tirkiyê hişyarî da û xwest her kes xwedî helwest bin.
Navenda Ragihandin û Çapemeniyê ya HPG’ê bi daxuyaniyekê işaret bi liv û tevgera hêzên Iraqê ya li herêmên Zap û Avaşînê kir.
HPG’ê ji bo hêzên Iraqê yên rojên dawî hatine qadên şer lê girane ev hişyarî da:
“Cihên ku hêzên Iraqê hewl didin bên bicihkirin, bi kîlometreyan dûrî sînorê Iraq û Tirkiyê ye. Ev cih li nava Başûrê Kurdistanê ye û ew qad in ku niha di navbera gerîla û artêşa Tirk a dagirker de şerekî giran lê diqewime.
Em ne li dij in ku hêzên sînor ên Iraqê parastina sînor bikin, lê belê cihên ku hatinê ne xeta sînor e.
Ev hêz li herêmên navberê têne bicihkirin ku şerekî giran lê diqewime.
Lewma ji vê liv û tevgerê tê fêhmkirin ku hin hêz li pey hin lîstikan e.”
HPG’ê diyar kir divê haya hêzên Iraqî ji şer hebe û xwest li gorî vê yekê tevbigere.
Her wiha HPG’ê di dawiya daxuyaniyê de têkildarî êrişên arteşa dewleta Tirkiyê a dagirker jî agahî da û got:
Ji 21’ê heta 25’ê Sibatê herêma Rojavayê Zapê 3 caran bi droneyên bombebarkirî,
Qadên Zap, Xakurkê, Metîna û Garê jî bi giştî 41 caran bi balafirên şer hatine bombekirin.
Komîteya Têkîliyên Derve ya KCK’ê li ser lîstokên PDK û Tirkiyê hişyarî da
Komîteya Têkîliyên Derve ya KCK’ê jî bi daxuyaniyekê li ser lîstokên PDK’ê û dewleta Tirkiyê hişyarî da.
Di serî de KCK’ê bibîrxist PDK’ê ku ji Zaxoyê heya Sîdekanê ji artêşa Tirk a dagirker û qirker re rê vekiriye, hemû qirkirinên dewleta Tirk ên li Başûrê Kurdistanê vedişêre.
KCK: Metirsiya herî mezin siyaseta hevkar a PDK’ê ye
KCK’ê anî ziman siyaseta hevkar a PDK’ê ya bi Tirkiyê re metirsiya herî mezin bi xwe tîne û wiha got:
Komara Tirkiyeyê bi bikaranîna PDK’ê hewl dide bandorê li ser siyaseta Iraqê bike û heta dixwaze Iraqê bîne ser xeta xwe ya siyasî ya dij-Kurd.
Îro bi PDK’ê re hewl tê dayîn çeteyên Roj û Zêrevanî yên girêdayî PDK’ê di bin ala Iraqê de bixin qadên gerîla.
Dema ku gerîlayên azadiya Kurdistanê derbe li ser derbê li artêşa Tirk a dagirker dixin, PDK jî hewl dide leşkerên Tirk rizgar bike.
PDK vê yekê bi ala Iraqê di bin navê Parazvanên Sînorê Iraqê de bi kar tîne da ku rewşa xwe ya hevkarî û xiyanetê veşêre.
KCK: Divê her kes li hemberî lîstika pdk û dewleta Tirk hişyar bin
Li hemberî vê lîstika PDK’ê û dewleta Tirk KCK’ê bang li hemû aliyên siyasî yên Iraq û Başûrê Kurdistan kir ku li dijî vê siyaseta hevkar û xayîn hişyar bin.
Ji endamê berê yê îstîxbarata PDK’ê daxuyaniyên gelekî girîng
