Piştî êrişa Polîsên Belçîkayê ya li ser navenda Stêrk TV û Medya Haber ê Polîsên dewleta Tirk jî li dijî rojnamevanên Bakurê Kurdistanê dest bi êrişan kir.
DBP û DEM Partî têkildarî binçavkirinan rojnamevana dadxuyanî dan û gotin:
“Ev rewş bi rêka qanûnî qedexekirina rojnamevaniyê ye.”
Piştî êrişa polîsên Belçîkayê ya li ser Studyoyên Stêrk TV û Medya Haber TV’yê polîsên dewleta Tirk jî li dijî rojnamevanên Bakurê Kurdistanê dest bi êrişan kir.
Di êrişa polîsan de 9 xebatkarên Çapemeniya Azad hatin girtin.
DBP û DEM Partî: Divê 9 xebatkarên Çapemeniya Azad demildest serbest bên berdan
Rêxistinên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) ên Rihayê têkildarî binçavkirinan daxuyanî dan.
Di daxuyaniyê de, bertek nîşanî binçavkirina rojnamevanan û serdegirtina studyoyên Stêrk TV û Medya Haberê da hate dayîn û wiha got:
“Li gorî encamên hilbijartinê yên di 31’ê Adarê de em dibêjin divê peyamên ‘Demokrasî, çareserî û aştiyê’ yên gelên Tirkiyê li ser sindoqê dane rast bên xwendin.
Bi vê re dawî li van êrîşên bêhiqûqî bê anîn û em daxwaz dikin ku 9 xebatkarên Çapemeniya Azad ên hatine binçavkirin demildest bên berdan.”
Ceylan Şahînlî: Ev rewş Krîmînalîzekirina Rojnamevaniyê ye
Rojnamevan Ceylan Şahînlî jî bi heman awayî bertek nîşanî girtina rojnamevanan da û diyar kir ku ev rewş krîmînalîzekirina rojnamevaniyê ye. .
Ceylan Şahînlî: Divê hevalên me yên rojnamevan demildest bên berdan
Li Dêrsimê jî rojnamevanan, li Qada Seyîd Riza daxuyanî dan.
Rojnamevan Huseyîn Yaşar Sezgîn diyar kir ku mafê agahî wergirtinê yê gel nikare were astengkirin û got:
“Divê hevalên me yên rojnamevan demildest bên berdan.”
