Pêşdeçûna Rûsyayê li heremên Ukraynayê didome.Leşkerên Ukranyayê li benda alîkariyên leşkerî ne.
Serokkomarê Ukraynayê Zelenskiy ji bo alîkariyan hevdîtinan dike da ku karibin li hember Rûsyayê li ber xwe bidin.
Zelenskî diyar kir ku ji rojava dest bi gihandina malzemeyên nû kirine, lê pêvajo hêdî ye û divê bilez were kirin.
Her wiha Sekreterê Giştî yê NATO’yê Jens Stoltenberg li Kîevê bi Serokomarê Ukraynayê Zelenskî re hevdîtinê kir.
Jens Stoltenberg da zanîn ku dê şandina çek û cebilxaneyên nû ber bi Ukraynayê va zêde bibe.
Rûsya her ku diçe li hin heremên nû yên Ukraynayê bidest dixe.
Ev yek ji hêla artêşa Ukraynayê ve dibe sedema ku ji hêz û moralê bikevin û paş ve vekişin.
Artêşa Ukraynayê ragihand ku leşkerên Ukraynayê neçar mane ku bi awayekî taktîkî ji sê gundên li herêma rojhilat vekişin.
Rûsyayê jî ragihand ku di destpêka hefteyê de gundekî din bi dest xistiye.
Ji bo rawestandina pêşveçûnên Rûsyayê yên vê dawiyê li herêmên rojhilat û pêşîgirtina li êrîşên moşekî, Ukrayna hewceyê cebilxane û çekan zêde ye.
Ukrayna û hevalbendên wê yên rojavayî di pêşbaziyek li dijî demê de ne ku alîkariyên leşkerî yên nû yên krîtîk peyda bikin.
Zelenskî diyar kir ku ji rojava dest bi gihandina malzemeyên nû kirine, lê pêvajo hêdî ye û divê bilez were kirin.
Stoltenberg: Sozên ji Ukraynayê re hatibûn dayîn bi cîh nehatin
Her wiha Sekreterê Giştî yê NATO’yê Jens Stoltenberg li Kîevê bi Serokomarê Ukraynayê Zelenskî re hevdîtinê kir.
Jens Stoltenberg da zanîn ku dê şandina çek û cebilxaneyên nû ber bi Ukraynayê va zêde bibe.
Stoltenberg diyar kir ku endamên hevpeymaniyê sozên xwe yên ji bo Ukraynayê di wextê xwe de bi cîh neanîn û ev jî bû sedem ku Rûsya di şer de pêş bikeve û got:
“Derengketina ciddî di piştgiriya leşkerî ya ji bo Ukraynayê de encamên cidî li qada şer heye.
Lê belê ji bi serkeftina Ukraynayê ne dereng e. Piştgiriyeke zêde di rê de ye.”
Stoltenberg da zanîn ku di nav de pergalên moşek ên patrîotê dê zêdetir çek û cebilxane ji bo Ukraynayê bên dayîn.
Ukrayna bi awayekî demkî peymana mafên mirovan rawestand
Li aliyê din rayedarên Ukraynayê ji ber şert û mercên şer û pevçûnê serî li Konseya Ewropayê dabûn.
Li gor xala 3’yê ya biryarnameya Serokomariyê, derbarê ragihandina rewşa leşkerî ya li Ukraynayê de, tê gotin ku di pêvajoya rewşa leşkerî de, xelk û welatî xwediyê maf û azadiyên destûrî ne ku di xala 30’emîn de hatine diyarkirin.
Li Ûkraynayê ji ber êrîşên zêde ya Rûsyayê, qanûnên leşkerî û seferberiya giştî dewam dike.
Di dema rejîma leşkerî de, mafê artêşê heye ku dest deyne ser wesayît, alavên saziyên hikûmetê û hemwelatiyan.
