Ji roja ku Erdoganê faşîst hatiye ser desthilatdariya Tirkiyê, bi her awayî xwe û hikumeta xwe bi gel dide ferzkirin.
Di her hilbijartinên ku pêk dihatin, li dijî partiyên muxalif hemû rêbazên dek û dolaban bi kar aniye.
Lê derket holê ku, Erdogan rêbazekî cûda û mezintir ji ên dihat zanîn li dijî partiya CHP’ê bi kar aniye.
Piştî 6 salan derket holê ku ji bo pêşî li propgandaya CHP di hilbijartinên 2014’an de bigire, Erdogan pêngavek dijber pêk anîbû.
Awayê mabûna AKP’ê li ser deshiltadriyê, eşkere û zelal e.
Ji hejmara girtiyên di zindanan de bigire, heta bi toreya istixbaratî ya ku Erdogan bi xwe serperştiya wê dike, ev yek derdikeve holê.
Li Tirkiyê, biserketina di hilbijartinên herêmî de jî, weke hîmên bingehîn ên serweriya li Tirkiyê ne.
Ji lew re ji bo çewsandina muxalifên xwe, AKP’ê her rêbazî bi kar tîne.
Raporekê eşkere kir ku Erdogan berî çend salan birayrek nepenî derxistibû ku pêngava propgandaya partiyeke muxalif rawestîne.
Ev partî jî, partiya CHP’ê bû.
Ev gav û kirina Erdogan a ne rewa jî bi rêya serokê şaredariyekê pêk hatiye.
Li gorî peywendiyeke telefonî ya nepenî ku malpera Nordîk Monîtor bi dest xistiye, Şêwirmendê Mezin ê Serokkomar, Mustefa Werank bi serokê şaredariya Enqere yê wê demê Melîh Gokşîk re axiviye û jê xwesiye ku pêngava propogandaya CHP a hilbijartinên wê demê asteng bike.
Li gorî ku malperê diyar kiriye, lêpirsînerên Tirk ji komîteya dadwerî ya Stenbolê destûr girtiye ku li peywendiyên telefonê yên taybet ên Werank guhdar bikin.
Ev yek jî di çarçoveya lêpirsîna girêdayî tora gendeliyê ku gelek rayedarên hikumetê yên payebilind dihewîne û salekê dewam kir, pêk hat.
Di axafina Gokşîk de diyar dibe ku wî çapek ji reklamên taybet bi CHP wergirtiye ku wê li Enqere, Stenbol û Îzmîrê bihatana belavkirin.
Li ser tabloyên rekalamên partiya muxalif jî nivîsên mîna: “Ger welatî bacên xwe bidin, divê hikumet li ser kirinên xwe were cazakirin.”
Ne tenê hilbijartina wê demê, di hilbijartina Tirkiyê ya herî dawî de jî, hikumeta AKP’ê bi serpereştiya Erdogan dîsa hemû dek û dolab ji bo bidestxistina hilbijartinê bi kar anîn. lê tevî wê yekê jî li gelek bajaran bi ser neket
Balkêş e ku Erdogan ji bo di hilbijartina 2019’an de jî bi ser bikeve, du caran li Stenbol û Enqereyê hilbijartin dubare kir lê dîsa jî li beramberî CHP’ê bi bibin ket.
