Şoreşa ku di her alî de, aliyê leşkerî, siyasî, civakî, aborî û hwd de guhertinê çêke, ew e şoreş..
Ev hemû û bi hev re li Rojavayê Kurdistanê çêbûn.
Em behsa 19’ê Tîrmehê û şoreşa Rojavayê Kurdistanê dikin.
Şoreşa ku bi zehmetî û destkeftiyên xwe 8 sal tijî berxwedan li pey xwe hiştin.
Her çiqas berdêlên giran hatibin dayîn jî, lê salên tije serkeftin jî bûn .
2012’an dest pê kir û heta vê kêliyê dewam e.
Şoreşa 19’ê Tîrmehê .
Ev yek li Rojavayê Kurdistanê çêbû û di her alî de pêk hat.
Bi destpêkirina şerê li Sûriyê re ku heta niha ji bilî wêranî, kuştin û birçîbûnê bi xwe re neaniye, gelê Rojavayê Kurdistanê xeta sêyemîn hilbijat.
Çirûsk û gava yekê li Kobanê dest pê kir..Êdî derketina Rejîma Baas ji bajaran dest pê kir.
Tîrêja vê çirûskê li tevahiya Rojava belav bû û gavên ji bo avakirina “Xweseriya Demokratîk” li lez dest pê kirin.
Bi avakirin meclisan û rêxstinkirina hêzên leşkerî ku piştî YPG, avakirina YPJ’ê, şoreş bi hêz dibe.
Lê belê 21’ê Çileya 2014’an ev xebat bi ragihandina Rêveberiya Xweseriya Demokratîk tacîdar dibe..
Di heman mehê de, rêveberî li Koban û Efrînê jî tê ragihandin.
Ev gava wêrek û bi encam, li xweşiya Dewleta Tirk nehat û DAIŞ di Îlona heman salê ber bi Kobanê ve şandin.
Xala bi hêz a Şoreşa Rojava şkandina DAIŞ’ê li ser destê Şervanên YPG’ê û YPJ’ê di çileya 2015’an serketina berxwedana Kobanê ye.
Piştre, lehiya azadkirina xaka Rojava ji tarîtiya DAIŞ’ê dest pê kir û Girê Spî, gundewarên Hesekê, heta bi Şedad û Minbicê para xwe jê girtin.
Şervanên YPG’ê û YPJ’ê bêyî dudilî bi sedhezaran Êzidî ji pencên DAIŞ’ê xelas kir û di ber xaka Êzidxanê Şengalê de şer kir.
Bi avakirina Hêzên Sûriya Demokratîk di 15 Cotmeha 2015’an de, êdî çav çûn ser Reqa û Dêre Zorê û ew jî ji DAIŞ’ê xelas kir.
Helbet li van deverên naborî, xebatên birêxistinkirinê bi rêya meclisên bajaran bi rê ve çûn û xelkê wan deveran jî bûn xwedî rêveberiyeke xweser.
Şoreşa Rojava derbasî qonaxeke nû dibe,,Bakur û Rojhilatê Sûrî.
Cihê xwe li ser hemû maseyên navdewletî digire û gelek nûnertiyên Rêveberiyê li gelek welatên Cîhanê vebûne.
Têkbirina DAIŞ’ê û avakirina statuyekê ku Kurdan pêşengtiya wê kir û hemû pêkhatiyan ew bi hêz kir, bû cihê çavnebariya Dewleta Tirk a dagirker.
Efrîn, Serê Kanî û Girê Spî, dagir, wêran û talan kirin.
Dubarekirina seneryoya DAIŞ’ê bi destê vê dewletê pêk hat û bi sedhezaran kes ji bajarên wan koçber kirin.
Di oxira van destkeftî û berxwedanê de, 12 hezar şervan bûn şehîd û bi qasî 24 hezar şervan jî birîndar bûn û hîna jî didome.
Helbet, Şoreşa Rojava karîbû ciwanên herçar aliyên Kurdistanê kom bike û bibe hêviyeke nû ya têkbirina zordestiyê.
Ew ne tenê şoreşek e.. lê belê gelek şoreş di hidnirê xwe de civandin û mezin dibe.
