Îro hevdîtinên ji bo destûra bingehîn a Sûriyê li Cinêvê dest pê dikin..
Vê carê jî hemû aliyên beşdar di bin navê çareseriyê de li gel hev rûdinên lê bê hêvî ne..
Weke heman civînên berê, dîsa nûnerên Bakur û Rojhilatê Sûrî beşdar nebûne û heman hişmendiya berê li holê ye..
Piştî têkçûna tora duyem a hevdîtinên Destûra Bineghîn a Sûrî, îro careke din aliyên hevdîtinan torkên xwe tijî dikin û berê xwe didin Cinêvê.
Ev tora sêyem jî dîsa bi heman nakokî û daxwazan dest pê dike..
Hikûmeta Şamê bêyî razîbûna xwe derbasî van hevdîtinan dibe û daxwaza mabûna li ser destûrê berê her berdewam dike.
Koma bi navê Oposzyona Sûrî jî bi daxwaza Dewleta Tirk tev digere û bêyî tu helwest e..
Her dem mijara girtiyên siyasî û bidexistina desthilatê di rojeva wê de ye..
Lê belê di rastiyê de, herdû alî li ser nebeşdarbûna nûnerên Bakur û Rojhilatê Sûrî li hev dikin û vê jî bi desteka dewletên serperşt, Rûsya, Tirkiyê û Îran pêk tînin.
Di van hevdîtinan de jî heman senaryoya bi dehan civînên berê dubare dibe û dîsa nûnerê bi milyonan Sûrî cihê xwe nagirin..
Li şûna wan, komên perçeyên leşên mirovan didizin, talanî, wêranî û kuştinê dikin, li ser maseyê rûdinên..
Ji xwe têkildarî vê jî, Hevseroka MSD”ê Emîne Omer helwesta xwe zelal kir û ragihand ku “eger ew beşdar nebin wê ev civîn bê encam bin û pabendî biryarên wê nabin”.
Di heman çarçoveyê de, nûnera MSD’ê li Amerîka Sînem Mihemed ji Kovara National Interest a Amerîkî diyar kir ku, ew beşekî girîng ji Sûriye ne û divê dengê wan di siberoja welat de hebe”.
Sînem Mihemed teqez kir ku “eger bi vî rengî be, wê encam jê dernekeve”.
Ev hevdîtin di wextekê de pêk tên ku, şandina destekên leşkerî yên Dewleta Tirk ji bo Idlibê dewam dikin û şerê navbera wan û Hikûmeta Şamê li gundewarên Idlib û Hemayê didome..
Ji lewre nûner Amerîka li Sûriyê diçe Tirkiyê û li wir jî vê mijarê nîqaş dikin.
James Jeffrey têkildarî mijarê beriya niha du daxuyaniyên ji hev cuda dabûn..
Destpêkê gotibû divê îradeya Bakur û Rojhilatê Sûrî hebe, paşê jî gotibû ev mijarekî navxweyî ye.
Ji rewş û daxuyaniyên herdû aliyan jî bêhêviyeke ber bi çav li holê ye.
Çavdêr jî dibînin, tekane biryara ku were girtin, destnîşankirina dema tora çaremîn a hevdîtinên destûr e..
