Siyasetmedarên Bakur û Rojhilatê Sûriyê destnîşan kir ku armanca fitneyê jihevxistina tevna civakî ya li herêmê ye.
Li dijî fitneyê Siyasetmedaran bang yekitî û kombûna li dor Rêveberiya Xweser li gelê herêmê kir.
Li dijî planên qirêj ên dijminatiyê li herêmên bakur û Rojhilatê Sûrî dikin, hişiyarî li gel tê kirin.
Armanc jî, têkbirina ewlehiya herêmê û projeya Rêveberiya xweser a ku biratiya gelan bi pêşxistiye.
Siyasetmedarên Bakur û Rojhilatê Sûriyê dibêjin; bi têgihîştina gel wê planên Tirkiyê û hikumeta Şamê ên jihevxistina tevna gelên herêmê, vala derkevin.
Muxalîfê Sûrî Deham El-Setam destnîşan kir ku zordarî tiştekî bi xwe re nayine, ji ber zordariyê Sûriyê gihişt vê rewşê.
El-Setam diyar kir ku Rêveberiya Xweser rêveberiyeke hevbeş a hemû pêkhateyên herêmê ye û wiha got:
“Rêveberiya Xweser ji bo birêvebirina kar û barên gelên herêmê, xeta sêyemîn girt.
Ew dijminahiya gelê Sûriyê nake, ji ber ku li ser esasê hevbeşiya hemû pêkhate, partî, ol û neteweyên gelê Sûriyê yê herêmê ye.”
Serokê Partiya Hevbendiya Niştîmanî ya Demokratîk li Sûriyê şaxê Reqayê Yehya Mehmûd jî destnîşan kir ku fitneya li herêmê derdikeve sîstematîk e û têkbirina tevna civakê ye.
Yehya El-Mehmûd anî ziman ku divê gel li dora rêveberiya xweser bisekine da ku komplo û planan pûç bikin û wiha bidawî kir:
“Gelê Sûriyê yek e û bi guhertinê bawer e, her wiha bi pirrengiyê û demokrasiyê bawer e.
Gel dixwaze bi azadî û li gel demokrasiyeke rasteqîn bijî. Nebin amûrên derxistina fitneyê.”