Li Idlibê, di encama topbarana hêzên hikumeta şamê, bajaroka Kansafrayê de, sivîlek hat kuştin û sê sivîl jî birîndar bûn.
Çavdêriya Sûrî ya Mafên Mirov ragihand ku îro hêzên hikumetê, herêmên Fitêra, Kansafra û Sifohn yên başûrê Idilbê topbaran kir.
Çavdêriyê da zanîn ku di encama tobaranê de, li bajaroka Kansafra sivîlek hat kuştin û 3 jî birîndar bûn.
Çavdêriyê destnîşan kir ku hêzên hikumetê, êrîşî bargeheke çeteyan yê li bajarê El- Bara yê li gundewarê başûrê Idlibê kir.
Di encamê de du çete hatin kuştin û 6 jî birîndar bûn.
Çavdêriyê diyar kiribû ku duh di êrîşên çeteyên Tirkiyê li eniya Mihwer EL-Foj 46 li Rojavayê Heleb û li eniyên gundewarên rojhilatê Idlibê de, 3 leşkerên hikumeta Şamê hatin kuştin.
Her wiha çeteyek hat kuştin û çeteyek jî birîndar bû.
