Endama Komîteya Navendî ya PKK’ê Hêlîn Umît got, hêza herî çalak a pêngava ‘Bes e ji tecrîd, dagirkerî û faşîzmê re; dem dema azadiyê ye’ tevgera jinê ye.
Endama Komîteya Navendî ya PKK’ê Hêlîn Umît, têkildarî pêngava “Bes e ji tecrîd, faşîzm û dagirkeriyê re; dem dema azadiyê ye” ji ANF’ê re axivî.
Hêlîn diyar kir, pêngava ku 12’ê Îlona 2020’î ji aliyê Hevserokatiya Konseya Rêveber a KCK’ê ve hate ragihandin, qonaxeke nû û xweser a serdema şerê gel ê şoreşgerî ye û destnîşan kir ku ev pêngav di çarçoveya stratejiya me ya têkoşînê de li encamê asê bûye.
Hêlîn Umît anî ziman ku bîlançoya 6 mehan a pêngava ‘dema azadiyê’ têr û tijî ye.
“Gelê Kurd bi jin û ciwanên xwe, bêçalakî nemane. Li her devera ku faşîzma AKP-MHP’ê ji bo têkbirina têkoşîna civaka demokratîk êrişan dike, berxwedan û têkoşîn jî hatiye meşandin.”
Hêlîn Umît: Hêza herî dînamîk, tevgera jinê ye
Endama Komîteya Navendî ya PKK’ê destnîşan kir ku dema derbasbûyî nîşan da ku hêza herî dînamîk a pêngavê, tevgera jinê ye.
Li gel vê yekê pêwîstiya bi rêxistinbûna bi bandor, dewlemend û berfireh, ji her demê bêhtir pê heye.
Hêlîn Umît: Dewleta Tirk di dema herî lawaz de ye
Hêlîn Umît destnîşan kir ku dewleta Tirk di dema herî lawaz a dîroka xwe de ye, lewma di her mijarê de bêhtir paşverû dibe û go:
“Desthilatdariya heyî desthilatdariya herî paşverû ya heta niha ye.
Hêlîn Umît: Jinên Kurd wê bi moral û hêza serketina garê 8’ê Adarê pêşwazî bikin’
Hêlîn Umît diyar kir ku jinên kurd wê bi moral û hêzê ya serketina Garê 8’ê Adarê Roja Jinan a Cîhanî pêşwazî bikin.
Endama Komîteya Navendî ya PKK’ê Hêlîn Umît bang li gelê kurd kir ku tevlî xeta berxwedana rewa bibin. Serkeftin wê li ser vê bingehê pêk were.
