Artêşa Tirk û Çeteyan xwe bê navber hovîtiya xwe li ser şêniyên Efrînê didomîne.
herî dawî hat ragihandin ku ji gundê Îska yê Şêrawa 4 kes revandin.
Çeteyên Feyleq El-Şam ên girêdayî dewleta Tirk a dagirker li gundê Îska ya navçeya Şêrawa ya herêma Efrînê ya dagirkirî 3 mêr û jinek revandine û hincetên revandina wan nehatine zanîn.
Navên kesên ravandî wiha ne:
Hemîde Mihemed Mistefa, Şiyar Ehmed Şêxo Mistefa, Fîras Mistefa Kêfo, Rûdî Rifet Kêfo.
Li dorî agahiyên bi dest ketin, çeteyan ew kesana birin navenda çeteyan a li gundê Îska.
Hêjayî bi bîrxitinê ye ku di nava hersî rojên bihûrî de jî Çeteyên dewleta Tirk a dagirker li gundê Hêkiçê û Merwaniya Jêrîn ên navçeya Şiyê ya Efrînê 3 welatî revandin.
Her wiha çeteyan li gundê Dêr Sewan ê Şerayê jî zêdetirî 700 darên zeytûnan birîn.
