Parzemîna Asya û Ewropa bi karesata baran û lêhiyê re rûbirû mane

Li Almanya û Belçîka bîlançoya karesata lehî û baranê giran dibe.
Heta niha nêzî 200 kes mirine û bi sedan jî winda ne.
Li sînorê Awûstûrya jî lêhiyê jiyan tevizandiye.
Li parzemîna Asya Hindistanê jî nesîbê xwe ji vê barana zêde girt.
Li Hindistanê barana mûsonê dawî li jiyana zêdeyî 20 kesan anî.

Baran û lêhiyên demsalî yên meha Tîrmehê li Ewropa û Asya felaket bi xwere da anîn.

Li Ewropa Almanya û Belkçîka û li Asya jî Hindistan berdêlên giran didin.

Tenê li eyaleta Rheînland-Pfalzê ya Almanyayê, li gorî polîsên xwecihî herî kêm 110 kes mirin.

Polîsan diyar kirin ku herî kêm 670 kes birîndar bûne, bi fikar in ku jimara qurbaniyan zêde bibe.

Li tevahiya Almanya 156 kes ji ber karasatê mirine

Li tevahiya Almanyayê 156 kes ji ber karesatê mirin.

Ji ber karesata lehiyê ku li Almanyayê weke ‘karesata sedsalê’ tê binavkirin, xisareke mezin bû.

Hikumet paketa alîkariyê ya ji sedan milyar euroyî amade dike.

Yekîtiya Ewropayê jî soza piştgiriyê da.

Li Almanyayê, hilweşîna malan, qutbûna elektrîk, gaz û xetên telefonê bandor li deh hezaran mirovî kir.

Rê qelişîn, pir hilweşiyan, bajar ser û bin bûn.

Serokwezîr Angela Merkel got, “Karesateke rasteqîn e”.

Li Belçîkayê herî kêm 27 kes mirin

Li Belçîkayê jî bîlanço girantir bû.

Di karesata rojên dawî de herî kêm 27 kes mirin.

Li gorî hin çavkaniyan 35 kesî jiyana xwe ji dest dane.

Hîn jî bi dehan kes winda ne.

Navenda krîzê got,

“Mixabin divê em hesabê wê bikin ku hejmara qurbaniyan zêdetir bibe.

Servîsên rewşa lezgîn li qadê lêkolînên xwe dewam dikin.”

Li Belçîkayê, karesatê bandor li derdora 120 komunan kir.

Di serî de başûr û rojhilatê welêt, polîs li malan digerin û li qurbaniyan digerin.

Belçîkayê roja Sêşemê weke şîna neteweyî ragihand.

Şert û mercên nebaş ên hewayî li Hollanda û Luksembûrgê bû sedema xisara madî.

Li Awûstûryayê xisara madî heye

Awûstûrya jî kete alarmê.

Li bajarên Salzbourg û Tyrolê arkuj seferber bûn.

Halleîne di nav avê de maye.

Li sînorê Almanya û Komara Çekê jî êvara Şemiyê ava çem bilind bû û bû sedema xisarê.

Li Hindistanê barana mûsonê dawî li jiyana 25 kesî anî

Li Hindistanê, ji ber barana mûsonê dîwarek bi ser malan ve rûxiya.

Her wiha hezazê rû da.

Di bûyeran de herî kêm 25 kes mirin.

Back to top button