Endamê Komîteya Ewlekarî û Parastinê ya Parlamentoya Iraqê Bedir El-Ziyadî diyar kir hebûna Tirkiyê ya li Iraqê ne rewa ye û li dijî qanûnên Iraqê û navnetewî ye.
Ziyadî bang li hikumetê kir ku li dijî hebûna Tirkiyê helwestê nîşan bide.
Endamê Komîteya Ewlekarî û Parastinê ya Parlamentoya Iraqê Bedir El-Ziyadî derbarê êrîşên dewleta Tirk ser xaka Iraqê û hebûna hêzên Tirkiyê ên li herêmê axivî.
Bedir El-Ziyadî destnîşan kir ku hêzên Tirkiyê li bajarên bakûrê Iraqê dibin sedema pirsgirêkên aramiyê.
El-Ziyadî diyar kir ku hebûna Tirkiyê dijî qanûnên Iraq û navnetewî ne, ev jî nîşan dide ku dagirkeriyek eşkere heye, lewma divê dijî wan tedbîr werin girtin.
Endamê Komîteya Ewlekarî û Parastinê ya Parlamentoya Iraqê Bedir El-Ziyadî ji hikûmeta Iraqê xwest ku di zutirîn dem de hêzên dewleta Tirk ji ser axa Iraqê derxîne û got:
“Hikûmet çawa ku bi Amerîkayê re hevdîtin kirin ku hêzên xwe derxîne, pêwîst e bi heman rengî li gel Tirkiyê biaxive û hêzên wan derxîne.”
