Li Qamişlo bi navê ‘Serboriyên Hunerî’ pêşangeha wêneyan hate vekirin. Di pêşengehê de berhemên gelek şêwekaran hate pêşandan.
Pêşengeh bi navê ‘Serboriyên Hunerî’ li Navenda Mihemed Şêxo ya Çand û Hunerê li dar ket.
Di pêşengehê de, berhemên hunermend Ekrem Bekir, Kolos Silêman, Zavê û Siud Şêxo, tên nîşandan.
Beriya vekirinê, hunermend Ekrem Bekir axivî û spasiya Desteya Çandê ya Herêma Cizîrê û got:
Pêşangeh ji bo piştgiriya şêwekar û hunermendan hate vekirin.
Paşê, Hevseroka Desteya Çandê ya Herêma Cizîrê Mariya Aho pêşangeh vekir.
Hunermendê ji Hesekê Kolos Silêman axivî û diyar kir ku wî berhemên xwe û yê 3 hevalê xwe pêşkêş kiriye û got:
“Ji bo ku em tecrubeyên xwe yên hunerî bi gel re parve bikin, me ev pêşangeh li dar xist.”
Pêşangeha ‘Serboriyên Hunerê’ dê ji saet 11.00’an heta 16.00’an vekirî be û heta 21’ê Sibatê dewam bike.