Şerê li Ukranyayê, bi qasî malwêraniyê, ew çendî dûrtiya hêzên cîhanî jî raxist ber çavan.
Ev hêzên ku di berdêla siyasetên xwe ên şerxwaz de bi mîlyara dolarî xerç dikin, dema mijar dibe mirovahî, kerr û lal dibin.
Rewşa xela a li Başûrê Sûdanê nîşaneya vê yekê ye.
Li gorî hişyariya Neteweyên Yekbûyî, ji bo bi mîlyonan Sûdanî ji birçîbûnê werin xelaskirin, pêwîstî bi 436 mîlyona dolarî heye.
Bi dehê salan e trajediyên mirovahiyê,
Xizanî, xela, birçîbûn, nexweşî, şer û koçberî…
Yên herî zêde para xwe ji van felaketan wergirtine her welatên xizan in.
Bi taybet jî Afrîka û Rojhilata Navîn.
Tiştên ku herî zêde rê li ber van encamên kambax vedeke jî pirsgirêkên;
Hevsengî, wekhevî, edalet û xemsarî ne.
Serkêşiya wan jî welatên ku qaşo xwe weke demokratîk û parêzvanên mafê mirivan binav dikin.
Lê dema mijar dibe berjewendî û nakokiyên serweriya siyasî, ev welat dikarin di nava şev û rojekê de bi mîlyaran dolarî xerç bikin.
Mînaka vê ya herî ber bi çav şerê li Ukraynayê ye.
Di nava 3 mehan de, Amerîk, NATO û welatên Ewrûpayê bi mîlyaran dolar şandin vî welatî.
Hema bêjin hemû pere ji bo xercên leşkerî hatin bikaranîn.
Lê heman welat tevî bang û hişyariyên bi salan ên ji bo rewşên li Sûdan, Yemen, Somalî û welatên din ên xizan, xwe li bêdengiyê danîne.
Neteweyên Yekbûyî careke din bi hêviyan ku destê alîkariyê dirêjî van welatên xizan were kirin hişyarî da.
Bernameya Xwarinê ya Cîhanî ragihan ku gelê Başûrê Sûdanê bi birçîbûnê re rû bi rû ye.
Rêxistina girêdayî Neteweyên Yekbûyî bang li hêzên cîhanî kir ku pêwîstiya beşeke mezin ji xelkê Sûdanê bi alîkariya lezgîn heye û got;
Ji bo pêşî li xelayê were girtin, divê heta 6 mehan 436 mîlyon dolar werin peydakirin.
