Di şerê li Ukrayna de, bîlançoya sivîlên hatine kuştin giran dibe.
Artêşa Rûsya bi moşekan êrişî bajarê Vinnytsia kir.
Di êrişê de, zarokek di nav de 12 sivîl hatin kuştin û 25 jî birîndar bûn.
Artêşa Rûsyayê vê carê bi 3 moşekan li navenda bazirganiyê ya li bajarê Vinnytsia xist.
Li gorî daxuyaniya Servîsa Lezgîn a Ukraynayê, di encama êrîşê de zarokek jî di nav de 12 kes mirin û 25 kes jî birîndar bûn.
Li gorî agahiyên ji rêveberiya Ukrayna ragihandî moşek li navenda bazirganiyê ketine û zirar dane avahiyên wê.
Gelek wesayîtên li cihê rawestinê bûn, şewitîne.
Serokomarê Ukraynayê Volodymyr Zelensky li ser hesabê xwe yê Telegramê bi daxuyaniyekê bertek nîşanî êrîşê da û got,
“Eger ev ne çalakiyeke eşkere a terorî ye, wê demê çi ye?”
Komîseriya Bilind a Mafên Mirovan a Neteweyên Yekbûyî (OHCHR) ragihand ku ji 24’ê Sibatê ve ji ber êrîşa Rûsyayê ya li ser Ukraynayê heta niha bêtirî 5 hezar sivîl hatine kuştin.