Di şerê cîhanê yê duyemîn de, yek ji welatên herî zêde ziyan dîtî Polonya ye.
Polonya tespît kir ku ziyana di şerê de li welat bûyî 1.3 trîlyon dolar e û vê yekê jî ji almanya dixwaze.
Hikumeta Polonyayê ragihand ku ji ber dagirkeriya Nazî ya dema Şerê Cîhanê ya Duyemîn û dagiriya pênc salan a li ser Polonyayê, wê 1.3 trîlyon dolar tazmînatê ji Almanyayê bixwaze.
Lîderê Partiya Edalet û Hiqûqê ya Polonyayê Jaroslaw Kaczynskî doh daxuyaniyek da û got,
“Ji bo destpêkirina danûstandinên tazmînatê em ê li Almanyayê vegerin.”
Almanya ku şirîkê herî mezin ê bazirganiyê yê Polonyayê, endamê Yekîtiya Ewropa û NATO’yê, beriya niha gotibû ku hemû îdîayên malî yên têkildarî Şerê Cîhanê yê Duyemîn hatine çareserkirin.
Partiya Edalet û Hiqûqê (PîS) a li desthilatdariyê, ji sala 2015’an dema destpêkirina desthilatdariya xwe ve ji bo tazmînatê gelek caran bang kir.
Lê heta niha Polonyayê bi rengekî fermî tazmînat nexwest.
