Li Swêdê di bin çarçoveya parastina mafê ramanê de, li hemberî pîroziyên civakê bêrêzî tê kirin. Iraq bi dubarebûna bûyerên kirêt ya li hember Quranê re, balyozxaneya Swêd ya li Bexdayê da rawestadin û jê xwest ku welat biterikîne. Bûyera kirêt ya li Swêdê, li nava welatên misilman rastî bertekên tund hat.
Li Swêdê bêrêziya li hember Quranê rastî bertekên tund tê.
Penaxwazê Iraqî yê Qurana pîroz şewitand û ji bo cara duyemîn jî tevî hemû betekan hikumeta Swêdê gav ne avêt.
Li ser vê yekê Iraqê biryara dersînorkirina Balyozxaneya Swêd ya li Bexdayê da.
Salvan Momika (37) ê Iraqî ku li Swêdê dimîne, vê carê jî wek çalakiya xwe ya berê Qur’an neşewitand, pê li kitêba pîroz a Mislimanan kir û parçe kir.
Di saetên xwepêşandanên li ber Balyozxaneya Iraqê ya li Stockholmê de, Serokwezîrê Iraqê Mihemed Şîa El Sûdanî ferman da Balyozê Swêdê yê li Bexdayê ku ji xaka Iraqê derkeve.
Ofîsa wî welatî di daxuyaniyekê de got:
“Ev biryar ji ber destûra çend caran ya hikumeta Swêdê ye ji bo şewitandina Qurana pîroz, heqaretkirina perestgehên îslamî û şewitandina ala Iraqê ye.”
Beriya bûyerê li xwepêşandêran li Bexda avêtin ser balyozxaneya Swêdê û avahî şewitandin.
Hikûmeta Iraqê êrîş şermezar kir, lê ji bo tolhildana protestoyên li Swêdê, lîsansa xebatê ya şîrketa telekomê ya swêdî Ericsson rawestand û têkiliya xwe bi Stockholmê re qut kir.
Beriya niha jî bûyerên bivî awayî li Swêd û welatên din yên Ewropayê pêk hatibûn.
Ji welatên Misilman berteka li dijî Swêd ê
Ev bûyerên kirêt yên li dijî baweriya û pîrozahiyên ola Îslamê li nava welatên Misliman jî rastî bertekan hat.
Wezareta Karên Derve ya Erebîstana Siûdî ragihand ku karmendê Karûbarên Swêdê yê Riyadê ji bo protestokirina bûyerê bi awayekî dîplomatîk hat vexwendin.
Teşkîlata Hevkariya Îslamî jî xwepêşandana li Stockholmê şermezar kir û diyar kir ku ew wek “êrîşeke din a provokatîf” dibînin.
Teşkilatê got,
Ev çalakî di çarçoveya mafê azadiya ramandê nikarin bêne rawakirin.
Di daxuyanîya ku ji aliyê Wezareta Karên Derve ya Urdunê ve hat dayîn de ev kiryar wek “çalakiyeke bêhiş ku nefretê gur dike” hat binavkirin.
Welatê Kendavê di daxuyaniyekê de got:
“Ew ê ji rayedarên swêdî bixwazin ku tedbîrên pêwîst ji bo rawestandina van kiryarên rûreş werbigirin.”
