Bi sedan şêniyên navçeya Amûdê û gundên wê cenazeyê karmendê Jin TV, Necmedîn Feysel li Goristana Şehîd Îsmaîl oxir kir.
Karwanê cenazeyê şehîd ji pêşiya çerxerêya rêya Dirbêsiyê ber bi goristana şehîd ve kete rê.
Li goristanê, endamê Meclisa Malbatên Şehîdan Mistefa Amirî axivî û got:
“Destkeftiyên gel, bi saya şehîdan hatin bidestxistin. Em dê têkoşîna şehîd Necmedîn temam bikin û destkeftiyên şehîdan biparêzin.”
Fermandarên Meclisa Leşkerî ya Amûdê Berxwedan Amûdê destnîşan kir ku têkoşîna gelê Kurd ji şehîd Hekî Kerar ve dest pê kir û heta şehîd Necmedîn berdewam e ku destkeftiyên 19’ê Tîrmehê parast.
Berxwedan soz da ku têkoşînê li ser şopa ramana Rêber Apo û şehîdên azadiyê berdewam bikin.
Dûre endama Komîteya Perwerdeya Civaka Demokratîk (KPC-D) Hena Xalid wesîqeya şehadeta şehîd xwend û radestî malbata wî kir.
Di dawiya merasîmê de girseya gel cenazeyê şehîd Necmedîn Feysel li goristanê veşart.
