QSD’ê bîlançoya roja 4’an a êrişên dewleta Tirk a dagirker ên li ser Bakur û Rojhilatê Sûriyê aşkera kir.
Navenda Ragihandinê ya QSD bi daxuyaniyekê bîlançoya roja 4’an a êrişên dewleta Tirk a dagirker ên li ser Bakur û Rojhilatê Sûriyê aşkera kir.
QSD got, dewleta Tirka dagirker di roj 4’an de êrişên xwe yên hovane li ser deverên cuda yên Bakur û Rojhilatê Sûriyê dewam kir.
Di encama êrişan de şehîd û birîndar çêbûn û xisra gihaştin navendên girîng û binsaziyê.
Bajarê Dêrikê û gundewarê wê:
- Gundê Gerdemiyê yê li ser sînorê bajêr,
- Gundê Eyn Dîwan bi 10 topên hawnan,
- Akademiya Şehîd Nesrîn a Hêzên Ewlekariya Hundirîn a li gundê Hemze Beg yê başûrê Dêrikê bombebaran kir.
- Di encamê de 29 endamên Hêzên Ewlekariya Hundirîn şehîd û 28 birîndar bûn.
Bajarê Qamişlo û gundewarê wê;
- Gundê Til Zîwan ê rojhilatê bajêr,
- Gundê Herem Şêx yê rojavayê bajêr topbaran kirin.
- Depoya petrolê ya dikeve başurê bajarokê Tirbespiyê bombebaran kir, di encamê de sivîlek birîndar bû û ziyanên madî çêbûn.
Bajarê Amûdê û gundewarê wê;
- Bajarokê Zirganê, gundên Mişêrfê, Til Hermel û Rebîat hatin topbaran kirin”
Bajarokê Eyn Îsa û gundewarê wê;
- Malên sivîlên bajarokê Eyn Îsayê, bi topên obusên giran topbaran kirin.
- Malên sivîlan li gundê Xalidiyê yê navçeyê,
- Bi çeka doçkayê kampa Eyn Îsayê,
- Nuqteyên hêzên leşkerî yê li eniya Eyn Îsayê û, Gundê Hoşan, Xalidiyê bombebaran kirin.
Bajarê Kobanê û gundewarê wê;
- Gundên Xerbisan, Cîşan, Til Şeîr, Selîm, Xerxerî, Celaxî û Zormexar hatin topbaran kirin.
Bajarê Minbic û gundewarê wê;
- Gundên Seyda, Hoşeriyê, Toxar, Qurt-wêran, Ewn Dadat û Um Cilûdî yên Minbicê hatin topbaran kirin.
