Endamên Tevgera Ciwanên Kurd li bajarê Zûg yê Swîsreyê û bajarê Marsîlya yê Fransayê li dijî tecîda li ser Rêber Apo çalakî pêk anîn.
Endamên Tevgera Ciwanên Kurd ji bo balê bikişînin ser tecrîda li ser Rêber Apo, li Bundesplatzê a bajarê Zûg ê Swîsreyê stand danîn.
Stand di çarçoveya pêngava “Ji Abdullah Ocalan re azadî, ji Pirsgirêka Kurd re Çareserî” de hat danîn.
Çalakvanan kesên serdanên standê kirin derbarê tecrîdê de agahdar kirin û diyarkirin ku tecrîda li Îmraliyê pergala êşkenceyê ya li dijî mirovahiyê ye.
Di çalakiyê de dirûşmeya “Freîheît fur Ocalan” hate berzkirin.
Ciwanên Kurd li dijî tecrîdê li Fransayê çalakî kirin
Li bajarê Marsîlya yê Fransayê jî ciwanên Kurd li dijî tecîda li ser Rêber Apo li avahiya Nûnertiya Parlementoya Ewropayê çalakiyek li dar xistin.
Ciwanan bi pankarta Fransî “Ji Rêber Apo re azadî” û dirûşmeya “Lîberte pour Ocalan” ketin avahiyê de.
Çalakvanên dosyaya ku daxwaza azadiya fîzîkî ya Abdullah Ocalan dikir, radestî rayedarên Parlementoya Ewropayê kirin û li ber avahiyê çalakiya xwe domandin.
