Li derdora Seyide Zeyneb a li gundewarên Şamê dengê teqînên bihêzt hat bihîstin.
Ew deng ji ber êrişên Îsraîlê ye.
Hêzên hikumeta Şamê ragihand Pergala parastinê ya hewayî gelek moşekên Îsraîlê ku ji Colanê ve ber bi derdora Şamê hatine avêtin, xistin xwarê.
Artêşa hikumeta Şamê bi daxuyaniyekê aşkera kir:
Vê berbangê Îsraîlê êrişeke hewayî ji Colana Sûriyeyê ve li gelek nuqteyên li derdora Şamê pêk anîn.
Her wekî pergala parastina hewayî gelek moşek xistin xwarê.
Li gorî daxuyaniyê hin zirarên madî ji ber êrişan pêk hatin.
Her wiha Navenda Çavdêriya Mafên Mirovan a Sûriyeyê (SOHR) jî got:
“Li derdora Seyide Zeyneb dengê teqînên xurt hate bihîstin.
Ew deng ji ber êrişên balafirên Îsraîlê bû.
Balafirên Îsraîlê nuqte û baregehên leşkerî yên girêdayî Hizbullah a Lubnanê bombebaran kirin.
Hemwextî wê pergala parastinê bersiva êrişê da û ambulancan berê xwe da herêmê.”
