Li Serê Kaniyê û Girê Sipî ya ji aliyê dewleta Tirkiyê ya dagirker ve hatine dagirkirin, ne gengaze behsa aramî û aştiyê bikin. Ji aliyê dewleta Tirkiyê û çeteyên wan ve hemû zagon û mafê mirovan hatine binpêkirin.
Êrişên herî dijwar li dijî jinê tê kirin.
Taybet li dijî vîn û îradeya jinê şerekî giran didine meşandin û hewl didin jinê ji cewhera wê dûr bixin.
Tevî ku 5 sal li ser dagirkirnê derbas bûne jî, heta niha dewleta Tirk hesabê vê yekê nedaye.
Dewleta Tirk a dagirker di 9 ‘ê Cotmeha 2019 an de êrîşî Serê Kaniyê û Gîrê Spî kir.
Bi dagirkirina Serê Kaniyê û Girê Sipî re ne maf ne zagon ne jî aramî ma.
Çeteyên Tirkiyê mîna guran derbasî wan herêman bûn her der talan û wêran kirin.
Bi hezaran koçberî herêmên rêvberiya xweser bûn, hijmareke kêm jî li wir man.
Yên mane jî di nava zêhiyeta serdestan de li ber xwe didin.
Li wan herêman yên herî zêde neheqî li wan dibe jî jin û zarok in.
Di nava 5 salên dagirkeriyê de bi sedan jin hatin êşkencekirin, revandin û kuştin.
Li Serê Kaniyê Girtîgehên jinan hatine avakirin.
Hêjmarek mezin ji jinan di girtîgehên komên çekdar yên dagirkeriya Tirk de hene.
Di wan girtîgehan de her cuer tundî tê meşandin.
Di riya serê kaniyê re jinan derbasî Tirkiyê dikin û difiroşin.
Li ser rih û bedena jinê bazaran vedikin.
Li gorî daneyên hatine destxistin herî kêm 50 jin li bajarê serê Kaniyê rastî êrîşa zayendî hatin.
Gelek bûyerên destdirêjî û tecawizkirin têne veşartin.
Belge kirina bûyeran zehmete, ji ber tirsa ji çeteyê Tirkiyê kesên li wir mane nikarin ragihînin.
Zarokên keç di temenekî biçûk de bi çeteyan didin zewcandin, derketina kolanan qedexe dikin, Paçên reş li ser jinan ferz dikin.
Dagirkerî, zêhniyet, hovîtî û tarîtiya DAIŞ’ê li ser jinê ferz dike.
Bi vê yekê dixwaze jinê bike kol, bê vîn û maf bihêle.
Her wiha jinan dûrî mafê xwendinê dixin, zimanê kurdî qedexe dikin.
Zimanê Tirkî û Erebî wekî zimanekî fermî him li ser deriyên saziya cih digirin, him jî di nav rêbaznameyên xwendinê de têne dayîn.
Dema mirova van bûyeran dinvîse matmayî dimîn ku çawa cîhan li hember evqas zilm bêdnege.
Bêdengiya Cîhanê hiştiye ku rewş heyî girantir bibe û jiyana jinê bibe dojeh.
https://youtu.be/eypuvRALC4g?si=MhvGzllSnxUH6D4T
