Herêma deryayî ya Sûriyê bi çandiniya Purtiqal û Leymûnan tên naskirin.
Ev çandinî jî herî zêde li Laziqiyê û Tertûsê zêde ye.
Cotkar ji biryarên hikûmetê yên qaşo ji bo piştgiriya berhemên wan ne razîne.
Ew dibêjin yên ji biryarên hikumetê sûdê digrin tenê bazirganin.
Li Sûriyê her sal di demsala berhevkirina Burtiqal û lemûnan de piştgiriya hikûmeta Şamê bi cotkaran re dibe rojeveke serke ya cotkaran.
Hikûmet dibêje ew piştgiriyê dide cotkaran, cotkar jî dibêjin ew tu sûdê ji biryarên Hikûmetê nagirin û tenê bazirgan sûdê werdigirin.
Wezareta Aborî û Bazirganiya Derve ya Hikûmeta Şamê bi hejmara 864 an biryara qaşo ji bo piştgiriya cotkarên purteqal û leymûnan derxistine.
Li gorî biryarê wê hikûmet ji sedî 25 piştgiriyê bide xebatên veguhestina berhemên cotkaran di riya bejahî û deryarî ji bo cotkar karibin berhemên xwe derxin derveyî herêmên xwe.
Cotkarên burtiqal û leymûnan tu sûdê ji biryarên hikûmeta Şamê nagirin
Hikûmet Îda dike ev biryara wan ku ji 1 Mijdarê destpê dike û heta 28ê sibatê dewam dike bi armanca piştgiriya cotkaran e.
Di heman demê de li gorî biryar belgeyên cotkar ji hikûmetê re pêşkêş bikin werin kêmkirin.
Cotkarên herêmê jî dibêjin biryara hikûmetê tu sûdê li wan nake û yên sûdê ji biryara hikûmeta Şamê digire bazirgan in.
Li aliyê din di mijara belgeyan de tu guhertinek ji salên derbasbûyî çênebû ye.
Di heman demê de jî ne peydakirina pêwistiyên çandiniyê, derxistin û nebûna alavan bandorek mezin li cotkararên berhem dike.
Parêzgehên Laziqiyê û Tertos herî zêde bi çandiniya berhemên Purtiqal û Leymûnan tên naskirin.
Biryarên hikûmeta Şamê sûdê li bazirganan dike
Li gorî serjimariyan odeya çandiniyê ya Çandiniyê berhemê Laziqiyê îsal gihişt 650 hezar ton û berhemên Parêzgeha Tertûs gihişt 174 hezar ton.
Bi vî awayî jî berhemê herdû parêzeran îsal 20 hezar ton zêde kiriye.
Beşek mezin ji berhemê Burtuqal, lêmûn û heta Sêvan ên wan herîman li bazarên Bakur û Rojhilatê Sûriyê têne firotin.
Ji ber wê jî di vê demsalê de buhayê wan di sûkên herêmê de jî erzantir dibe.
