Îsraîl û Hemas di pêvajoya pevguhertina dîlan de heta niha 119 kes serbest berdane.
Îro wê beşa sêyemîn ya pevguhertinê pêk were.
Navê kesên werin berdan jî diyar bûye.
Di vê navberê de,
Hemasê piştrast kir ku çar fermandarên wan hatine kuştin.
Şerê ku di 7’ê Cotmehê de bi êrîşa Hamasê ya li ser axa Îsraîlê dest pê kir ket roja xwe ya 51’emîn.
Agirbesta navbera herdu aliyan jî di roja 3’yemîn de ye.
Di nava du rojên derbasûbyî de, bi giştî 41 dîlên Îsraîlî û biyanî yên ku li Xezayê hatibûn girtin radestî Komîteya Xaça Sor a Navneteweyî (ICRC) hatin kirin.
Îsraîlê jî 78 girtiyên Filistînî serbest berdan.
Ev kes li nava Xezayê bi şahiyan hatin pêşwazîkirin.
Lihevkirina Çarşemê di bin sîwana Qeterê de bi piştgiriya Amerîka û Misirê pêk hat, tê xwestin ku di dema agirbesta 4 rojan de 50 dîlên Hemasê ji bo 150 girtiyên Filistînê biguherînin.
Di be ku ev dem were dirêjkirin.
Hikumeta Îsraîlê şevê din ragihand ku lîsteyek dîlên ku roja Yekşemê serbest berdin amade kirine.
Lê nasname, hejmar û kengê dê radestî ICRC bên kirin, eşkere nekir.
Serokwezîrtiyê, diyar kir ku Îsraîlê malbatên ku xizmên wan di lîsteya ku Qatar ê navbeynkariyê di navbera Îsraîl û Hamasê de dike, agahdar kir.
Di vê navberê de, Neteweyên Yekbûyî NY ragihand ku ji roja Şemiyê ku di wê rojê de agirbest ket meriyetê, bi giştî 248 kamyon alîkariyên mirovî gihiştine Şerîda Xezeyê.
Ji van 61 wesayîtan malzemeyên tibî, xwarin û av birin bakurê Xezayê.
Di daxuyaniya Koordînasyona Alîkariya Mirovî ya Neteweyên Yekbûyî (OCHA) de hat ragihandin ku “ji bo tehliyeyan bibin alîkar” 11 ambûlans, sê otobus û wesayîteke ser vekirî ji nexweşxaneya herî mezin a Şerîda Xezayê El Şîfa re hatine şandin.
OCHA’yê spasiya Heyva Sor a Filistînê û Heyva Sor a Misirê kir û got,
“Agirbest çiqasî dirêjtir bibe, rêxistinên alîkariya mirovî dê ewqas zêde alîkariyê bişînin nav Şerîda Xezeyê û dervî wê.”
Hemasê piştrast kir ku çar fermandarên wan hatine kuştin
Ji aliyekî din ve, baskê çekdarî yê Hamasê ragihand ku li Şerîda Xezayê fermandarê Tûgaya Bakurê Xezeyê Ahmed el Handûr jî di nav de çar fermandarên wan ên leşkerî hatine kuştin.
