KESÊN JI BO AZADIYA MANDELA XEBITÎN NIHA JI OCALAN DIXEBITIN

by maher enez
135 views

Kesên ku kampanyaya birêvedibin dibêjin;

Çawa ku em ji bo Mandela xebitîn, ji niha û pê de divê em ji bo Ocalan bixebitin.

Kampanyaya ku li Îngilîstanê ji hêla sendîkayan ve ji bo azadiya fizîkî ya Rêberê Ocalan hate destpêkirin bi piştevaniya rêxistinên civaka sivîl û siyasetmedaran didome.

Beriya niha bi çend rojan rayedarên Meclîsa Gel a Kurd a Brîtanyayê bi wan rêveber û qedroyan re hatin cem hev.

Di hevdîtinê de Wezîrê Berê yê Îngilîstanê Lord Peter Haîn, Wezîra tenduristiyê parlamentera Partiya Karker Chî Onwurah û Seroka Tevgera ji bo Efrîkaya Başûr Chîtra Kare bang li raya giştî ya navneteweyî kir ku tevlî kampanyaya azadiyê ya ji bo Ocalan bibin û kampanyayê geş bikin.

Lord Peter Haîn got,

“Çawa ku beriya niha ji bo azadiya Nelson Mandela em bi çalakî xebitîbîn, ji niha û pê de jî ji bo azadiya Ocalan divê em bixebitin.”

Wezîra tenduristiyê ya Partiya Karker û Parlamenter Chî Onwurah jî li ser armanca kampaniya ev tişt anî ziman;

Di Azadiya Mandela û Ocalan de gelek xalên wekhev hene û bang li hemû pêşverûyan kir ku destekê bidin kampanyaya azadiyê ya ji bo Ocalan.

Seroka Tevgera ji bo Efrîkaya Başûr Chîtra Karve jî got:

Ez di wê baweryê de me ku wê kampanyaya azadiya Ocalan bi heman hişmendî û baweriya kampaniya Nelson Mendêlê bê kirin û wê bi ser bikeve.