Artêşa Îsraîlê operasyona bejayî ya li Xezeyê bo tevahiya herêmê berfireh kir.
Hemwextî vê Îsraîl bomberdûmanên xwe yên li ser başûrê Xezayê zêde kir.
Li kêleka vê, dirûtiya Tirkiyê ya xwe weke parêzvanê Filistiniyan jî nîşan dide hîn zelal tir dibe.
Bi belgeyan dîmenê pêwitiyên leşkerî yên Îsraîl yên ji Tirkiyê hatine şandin, hatin weşandin.
Artêşa Îsraîlê operasyona xwe ya bejayî li Şerîda Xezayê berfireh kir.
Berdevkê artêşa Îsraîlî Danîel Hagarî got:
“Hêzên Parasninê yên Îsraîlê berfirehkirina operasyona xwe ya bejayî li dijî eniyên sereke yên Hemasê li Şerîda Xezayê didomînin.”
Hagarî diyar kir ku li kuderê cihek Hemasê hebe, ew ê êrişî wir bikin.
Li gor nûçeya Associated Pressê, artêşa Îsraîlê ragihand ku ew ê wek li bakurê Xezeyê bi tundî li başûrê Xezeyê bixin û daxwaza valakirina vê herêmê kir.
Piştre jî bomberdûmaneke dijwar a herêmê dest pê kir.
Bi sedan kes piştî hişyariya despêkê ya Îsraîlê dest bi valakirina herêmê kirin.
Yên mayîn jî dibêjin cihekî ku em herinê nemaye.
Artêşa Îsraîlê duh ragihandibû ku ji destpêka şer heta niha nêzî 10 hezar êrîşên hewayî pêk anîne.
Erdogan ji bo Filistînê bang dike, kurê wî pêdiviyên Îsraîlê peyda dike
Medya Îsraîlê ragihand ku tevî Şefê rejîma Tirkiyê Recep Tayyîp Erdogan daxuyaniya tund li dijî welatê wan dide jî lê bazirganiya navbera Îsraîl û Tirkiyê de di astek bilind de dewame.
Her wiha eşkere kir ku di vê çarçoveyê de duh ji bo parastina ji sermayê di rêjeyek zêde de cil ji bo leşkerên Îsraîlê hatiye şandin.
Kargeha ku ev cil çêkirine jî ya kurê Erdogan e.
Par hecmê bazirganiya navbera Îsraîl û Tirkiyê qasî 4 milyar dolar bû.
Ev rêje di nava 11 mehên îsal de, 2 qat zêde bûye û gihişte 8 milyar dolarî.
Di çend saetan de li Xezayê 316 kes mirin
Berdevkê Wezareta Tenduristiyê ya Xezeyê Eşref el-Qudrayê got,
“Di çend saetên dawîn da 316 kes ji binê xirbeyan mirin û 664 kes jî birîndar bûn.
Gelek kes jî di bin xirbeyan da ne.”
Îsraîl ragihand ku di êrîşa Hemasê ya 7’ê Cotmehê de nêzî 1200 kes ku piraniya wan sivîl in hatine kuştin û derdora 240 kes jî dîl hatine girtin.
Li gorî agahiyên ku rayedarên tenduristiyê yên Filistînê dane, piştî vê dîrokê di êrîşên Îsraîlê yên li ser Xezeya yê de, bêtirî 15 hezar û 500 kes hatine kuştin ku piraniya wan zarokin.
