Derbarê endamtiya NATO yê Swêdê ji aliyê Wezareta Karên Derve ya Amerîkayê ve daxuyaniyeke nivîskî hat dayîn
Di daxuyaniyê de hat ragihandin ku Swêd şirîkê berevaniyê yê NATO’yê ye û hat destnîşankirin ku bi beşdariya Swêdê wê tifaq hîn xurtir bibe.
Tirkiyê û Hungariya hîna jî endamtiya NATO yê Swêdê erê nekirine.
Tirkiyê daxwaz ji Swêdê kiribû ji bo hebûna endamên PKK’ê li Swêdê gav bavêje.
Wezareta Karên Derve ya Amerîkayê ragihand ku bi Swêdê re peymana hevkariya parastinê hatiye îmzekirin.
Der barê peymana ku di 5’ê Kanûnê de Wezîrê Parastinê yê Amerîkayê Llyod Austin û Wezîrê Parastinê yê Swêdê Pal Jonson îmze kiribûn de ji aliyê Wezareta Karên Derve ya Amerîkayê ve daxuyaniyeke nivîskî hat dayîn.
Di daxuyaniyê de hat gotin,
“Ev peyman dê rê bide her du welatan ku hevkariyên xwe yên ewlehiyê yên nêzîk berfireh bikin,
di operasyonên ewlehiyê yên piralî de hevkariyê zêde bikin û bi hev re ewlehiya transatlantîk xurt bikin.”
Di daxuyaniyê de hat ragihandin ku Swêd şirîkê berevaniyê yê NATO’yê ye û hat destnîşankirin ku bi beşdariya Swêdê wê tifaq hîn xurtir bibe.
Wezaretê di daxuyaniya xwe de ev tişt anî ziman:
“Endamtiya Swêdê dê parastina me ya kolektîf xurt bike û çareserkirina pirsgirêkên ewlehiyê yên li herêma Ewropa-Atlantîk zêde bike.”
“Swêd dê ji roja yekem di NATO’yê de bibe dabînkerek ewlehiyek eşkere û hevalbend dê bi Swêdê re wekî hevalbendek NATO’yê bêtir bihêztir bibe.”
Daxuyaniya dawî ya têkildarî endamtiya Swêdê ya NATO’yê ji Wezîrê Parastinê Pal Jonson hat.
Jonson anî ziman ew “hêvîdar e ku di zûtirîn dem de beşdarbûn pêk were”.
Tirkiyê û Hungariya hîna ji bo endamtiya Swêdê erê nekirine
Tirkiyê û Hungariya hîna jî endamtiya NATO yê Swêdê erê nekirine.
Serokkomarê Tirkiyê Erdogan, bi hinceta ku welatên Îskandînav kesên weke ku ev bi nav dikin teroristan diparêzin li ser endamtiya wan ê NATO’yê nepejirandibû.
Tirkiyê meha Nîsanê endamtiya Finlandiyayê pejirandibû lê belê Swêdê dabû rawestandin.
Tirkiyê daxwaz ji Swêdê kiribû ji bo hebûna endamên PKK’ê li Swêdê gav bavêje.
