Hevserokatiya Konseya Rêveber a KCK’ê têkîldarî qezaya Serokkomarê Îranê daxuyaniyek nivîskî weşand.
KCK’ê ji malbata kesên jiyana xwe ji dest dane û dewleta Îranê re sersaxî xwest û got: “Qeza bûyerekî bi gumane. Di demek wiha de ku herêma me ji qonaxeke hesas re derbas dibe, bûyereke ku divê bê fêmkirin e.”
Hevserokatiya Konseya Rêveber a KCK’ê têkîldarî qezaya ku Serokkomarê Îranê Îbrahîm Reîsî jiyana xwe ji dest da daxuyaniyek nivîskî weşand.
Daxuyaniya KCK’ê wiha ye:
“Serokkomar û wezîrê karên derve yê Îranê ji bo hin vekirinên hevpar bi serokomarê Azarbaycanê re bikin çûn Azarbaycanê, lê di vegera Azarbaycanê de helîkoptera ku tê de bûn ket.
Serokomarê Îranê Îbrahîm Reîsî, Wezîrê Karên Derve yê Îranê Huseyîn Abdullahiyan û şandeya pê re jiyana xwe ji dest dan.
KCK: Bûyera qezayê bûyerekî bi gumane
KCK’ê bi domdarî ji bo bûyera Îranê got:
“Bi qasî ku di raya giştî de xuya dibe, dewleta Îranê vê bûyerê weke qeza binav kiriye.
Lê bûyereke bi guman e. Di demek wiha de ku herêma me ji qonaxeke hesas re derbas dibe, bûyereke ku divê bê fêmkirin e.
Em sersaxî ji malbata kesên jiyana xwe ji dest dane û dewleta Îranê re dixwazin.”
KCK: Hinek hêz dixwazin bi rêya Îranê li Rojhilata Navîn şer kûr û belav bibe
Hevserokatiya Konseya Rêveber a KCK’ê diyar kir ku rojhilata navîn di qonaxek hesas re derbas dibe û wiha bi dawî kir.
“Hinek hêz dixwazin bi rêya Îranê li Rojhilata Navîn şer kûr û belav bibe û ji bo vê di nava tevgeran de ne. Dewleta Tirk di destpêka van hêzan de tê.
Em kûrbûna şer li Rojhilata Navîn bi ti awayî di berjewendiyên gelan de nabînin, bi vê hesasiyetê re tevdigerin.
Em girîng dibînin ku hêzên li herêmê jî bi vê hesasiyetê nêz bibin û li dijî polîtîkayên hêzên ku dixwazin şer belav bikin û kûr bikin bi baldarî tevbigerin.”
