Ji ber lehiyê, li Dêrikê gelek rê hatin girtin

Ji duh ve li bajar û navçeyên herêma Cizîrê baranek zêde dibare û di encamê de rêjeya ava çemê Dicle bilind bû. Ji ber barana zêde her du pirên çûn û hatin yên Dergeha Sêmalka bi temamî ji xizmetê derketin.

Rêveberê têkiliyên Dergeha Sêmalka Baz Ehmed diyar kir ku ji ber barana dijwar karker nikarin piran çêkin.

Hevserokê Şaredariya Gel a Dêrikê Feremez Hemo jî têkidarî rewşa heyî ji televsiona me re axivî.

Feremez Hemo da zanîn ku rêya 10 gundên beravê yên xeta Zihriyê jî zirar dîtine û hatine girtin.

Li hin gundan jî hinek koxik ketine xwarê.

Hemo îşaret bi bendavê li Dêrikê jî kir û dest nîşan kir ku heta niha ti zerar çênebûye û weke tedbîr boriyên wan yên avê vekirine.

Feremez Hemo diyar kir ku wan komîteyên awaret avakirine da ku di rewşa lezgîn de destwerdan bikin.

Mijarên Girêdayi

Back to top button
Close
Close