Li dijî hikumeta Wîfaqê ya Ixwanî, careke din gelê Lîbî daketin qadan.
Medyaya Lîbî ragihand ku duh xwepêşanderan li Terablusê ber bi avahiya meclisa serokatiyê ve çûn û çeteyên Tirkiyê gule li xwepêşanderan reşandin.
Her wiha hate ragihandin ku li bajarê Esabi’a komên bi navê “Simûd” pêngavên binçavkirinê pêk anîn.
El-Mismarî: Tirkiye û hikûmeta Ixwanî dinyayê dixapînin
Li aliyekî din, Berdevkê Artêşa Lîbî Ehmed Mismarî ragihand ku Hikûmeta Wîfaqê, ji bo raya giştî bixapîne û dest bi planên veşartî bike, agirbest ragihandiye.
Mismarî eşkere kir jî ku gelek hêzên artêşa Tirk xwe li dora bajarê Sirtê kom kiriye û amadekariyên şer dikin.
Mismarî da zanîn ku duh Wezîrê parastinê yê Tirkiyê Hulusi Akar serdana Terablusa peytext kir û biryara êrîşa li ser Sirtê da.
Berdevkê Artêşa Lîbî got ku ew li dijî hemû hewldanên Tirkiyê yên dagirkeriyê amade ne û ew ê bersivên dijwar bidin.