Li nava 30 salên bê de, wê li seranserê koçberiya herî mezin pêk were. Enstituya Azadî û Aboriyê ya Navenda xwe li Ingiltere, li ser vê yekê raporek belav kir.
Enstituyê diyar kir ku wê ji heftan yekê mirovan ji ber alozî û rewşa ne aram ya heyî ji cihê xwe koçber bibin. Ev jî tê wateya 1 Milyar mirov heta 2050 yê wê koçber bibin.
Di salên dawî de, li cihanê di rewşa jiyanî û guherîna avhewayê de, aloziyên mezin derketin.
Van aloziyên ku bandoreke zêde li ser jiyana mirovan kir bû sedema ku koçberî zêde bibe.
Enstituya Azadî û Aboriyê ya Navenda xwe li paytexta Ingiltere Londrayê, derbarê guherîna demsalan û nearamiya heyî raporek amade kir.
Enstutuyê diyar kir ku ev zehmetiyên heyî wê bibe sedema ku heta 2050 zêdeyî 1 milyar mirov ji cih û warê xwe koçber bibin.
Di rapora îro hate weşandin de, welatên ku herî zêde koçberî pêk werin ji wiha hate rêzkirin.
Xeta Sahel ya Efrîka, welatê Angola û Madagaskar yên Efrîka.
Li rojhilata navîn jî ji Sûriyê heta Pakistanê hatiye destnîşankirin.
Li gorî komako lêkolîn pêk anî, gefa herî mezin ya li ser jiyana mirovan, bahoz û lêhî, xelaya avê û xurekên jiyanê weke sedem hate nîşandan.
Ji ber vê yekê pispor dibêjin wê koçberiyek herî zêde ya krîzê bi xwere bide avakirin û wê bandor li ewropa bike.
Her wiha di raporê de hişyariya lehiyan jî hate dayîn.
Ji koma lêkolînerên ku li ser mijarê lêkolîn kirî Steve Killelea wiha dibêje:
Me dît ku ji 2015 an ve çawa koçber ji polîtîka û pêşketinên heyî bêzar bûne.
Killelea weke mînak jî diyar dike ku di vê dema hatî diyarkirin de, nêzî milyonek kes ji Sûriye û Iraqê koçberî Ewropa bûne.
