Yek ji serçeteyên dewleta Tirk a dagirker yê bi navê Ziyad Hecî Ubeyd jî mikur hat ku Erdogan meaş dide çeteyên xwe yên li Sûriyê û wan dişîne Azerbaycanê.
Çavdêriya Mafên Mirovan a Sûriyê bi daxuyaniyekê diyar kir şîrketên ewlehî yên Tirk çeteyên li Sûriyê veguhastin Azerbeycanê.
Ji aliyê din serçeteeykî dewleta Tirk yê bi navê Ziyad Hecî Ubeyd weke ku agahiyên çavdêriya Sûriyê piştrast bike diyar kir serokê AKP Erdogan bi meşa çeteyên li Sûriyê dişîne Azerbeycanê.
Serçete Ubeyd weke hênceta çûyînê dibêje, çete ji ber şert û mercên nebaş ên aboriyê ji bo karibin debara malbatên xwe bikin neçar in ji bo kar biçin Azerbaycanê.
Serçete Ubeyd got, “Li Efrîn, Serêkaniyê û herêmên din rewşa aboriyê gelekî nebaş e û nikarin debara malbatên xwe bikin.”
Serçete Ubeyd li xwe mikur tê ku artêşeke çeteyan a ji 70 hezar kesî heye ku ji çeteyên li Sûriyê hatiye avakirin, li Tirkiyeyê tên bicihkirin û meaş ji wan re tê dayin.
Ubeyd got, “Ji bo berjewendî û ewlehiya neteweyî ya Tirkiyê em amade ne li her cihî şer bikin. Em jî ji bo pêkanîna armancên xwe berjewendiyên xwe diparêzin. Em ji bo berjewendiyên hevpar ên bi Tirkiyê re û debara xwe diçin li deverên cuda şer dikin. Ji ber piştgiriya ku Tirkiyê dan me divê em jî deynê xwe bidin.”
Çavderiya Sûrî: Heta niha 320 çete bi rêya şirketên Tirk ji Sûriyê çûne Azerbeycanê
Çavdêriya Mafên Mirovan a Sûriyê (SOHR) ku navenda wê li Londonê ye têkildarî şandina çeteyên dewleta Tirk yên li Sûriyê ber bi Azerbeycanê daxuyeniyek weşand û ragihand ku şîrketên ewlehî yên Tirk çeteyên ji Sûriyê veguhastin Azerbeycanê û piştrast kir ku piraniyan wan çeteyan jî Tirkmen in.
Navenda Çavdêriyê diyar kir ku heta niha 320 çete ji Sûriyê bi rêya şîrketên ewlehiyê yên Tirk di bin navê doza niştimanî de ji bo Azerbeycanê hatine şandin.
