Xelkê navçeya Ranyayê ya Başûrê Kurdistanê carek din li dijî qeyrana darayî xwepêşandan li dar xistin.
Xwepêşandan di saetên êvarî de bi dirûşmeyên li dijî desthilatê destpê kir û xwepêşandêran xwest ber bi avahiya rêveberiya Raperînê ve bimeşin.
Lê hêzên ewlehiyê rê girtin û di navbera wan û polîsan de alozî derket.
Di encama aloziyê de çend xwepêşandere birîndar bûn û nêzî 30 xwepêşander jî hatin binçavkirin.
Duh jî li navçeya Ranya li dijî nedana muçe û sîstema desthilatdariyê xwepêşandan pêk hatin.
Hêzên ewlehiyê êrîşî xwepêşanderan kirin û 25 xwepêşander binçav kirin.
Li bajaroka Qeladizê jî bi heman awayî hêzên ewlehiyê destwerdanî xwepêşandanê kir û xwepêşandan bi dawî kir.
Xwepêşandêran duh jî, li navçeyên Çemçemal û Pîremegrun yên Silêmaniyê çalakiyek li dar xist û nerazîbûna xwe li dijî rewşa xerab nîşan dabûn.
