Li Şîrazê ya Îranê di êrîşa çekdarî ya li dijî perestgehekê de herî kêm 15 kes mirin.
DAIŞ’ê berpirsatiya êrîşa ku tê de bi dehan kes birîndar bûn girt ser xwe.
Di demekî ku Serokomarê Îranê Reîsî gef xwar de, Amerîka bifikare ku ev yek ji bo tepisandina xwepêşandanan pêk were.
Li Şîrazê ku yek ji bajarên herî mezin ê Îranê ye, di êrîşa çekdarî ya li ser Tirba Şah Çêrax de herî kêm 15 kes mirin.
Bi dehan kes jî birîndar bûn.
Êrîşa li ser Mezargeha ku ji bo Mislimanên Şîa pîroz e, DAIŞ’ê girt ser xwe.
DAIŞ li Efxanistanê gelek êrîş li dijî Şîayên ku wan weke murted dibînin, pêk anîn.
Serokomarê Îranê Îbrahîm Reîsî di daxuyaniya xwe de êrîş şermezar kir û diyar kir ku wê bertekek bi biryar li hemberî berpirsyaran bê dayîn.
Di navbera êriş û xwepêşandanan de ti têklî nîne
Hate diyarkirin ku êrîşa li bajarê Şîrazê, li gorî tespîtên despêkê ti têkiliya xwe bi çalakiyên girseyî yên li dijî hikûmetê yên li tevahiya welat pêk tên re nîne.
Doh, 40 roj piştî mirina Jîna Emînî, li gelek bajarên welat careke din xelk beşdarî xwepêşandanên protestoyî yên li kolanan bûn.
Li Îranê piştî mirina kesekî kevneşopiya 40 rojan a şînê tê girtin.
Di hin xwenîşandanên vê dawîyê de li seranserê welêt, polîsê Îranê hat ragihandin ku gule li xwepêşanderan reşandine.
Li paytext Tehranê hêzên ewlehiyê bi gaza rondikrêj êrişî xwepêşandana ku bijîjk jî beşdar bûn, kirin.
Şahidên bûyerê radigihînin ku li bakurê Tehranê gelek jin bê çarşef li kolanan digerin.
Amerîka ji Rûsya bifikare
Dewletên Yekbûyî yên Amerîkayê (DYA) xwepêşandanên li Îranê ji nêz ve dişopîne.
Amerîka bi fikare ku Rûsya di tebisandina xwepêşandan de alîkariya Îranê bike.
Rêvebirê Ragihandina Konseya Ewlekariya Netewî ya Amerîka John Kirby got:
“Em dizanin ku (Rûsya) di şêwazê destwerdana xwepêşandanên li Îranê de alîkariyê bike.
Mixabin Rûsya di vê mijarê de xwedî tecrube ye.”
